Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama: Toka pa dokumente që kërkohet për financim, do t'iu kalojë investitorëve

Politiko 28 Tetor 2022, 12:56

Rama: Toka pa dokumente që kërkohet për financim, do t'iu

Kryeministri Edi Rama deklaroi sot nga Bulqiza gjatë një takimi me fermerët e zonës, se ata individë të cilët e kanë bërë ndarjen e tokës pa marrëveshje zyrtare, pa dokumente, dhe duan t’ia japin një investuesi, do të kenë një zgjidhje tjetër nga qeveria.

Rama tha se nëse një investitor vjen dhe kërkon një sipërfaqe të caktuar toke në fshat për ta kthyer atë në një pikë grumbullimi, stallë apo diçka tjetër, toka pa dokumentacion do të merret nga shteti dhe do të regjistrohet në emër të investitorit.

Kryeministri deklaroi se kjo do të bëhet pasi pavarësisht marrëveshjeve që bëhen pa dokumente, duhet që ndarja e tokës të bëhet sipas ligjit 7501.

"Fondet e BE që ne marrim dhe kemi arritur të marrim më shumë fonde se sa vendet e tjera të rajonit, dhe me këto fonde ne do të financojmë subjekte që mund të jenë realë dhe patjetër janë realë të cilët kanë prodhim, por nuk kanë letrat e pronësisë. Ashtu sikundër nga ana tjetër shpeshherë letrat e pronësisë në fshat bëhen shkak të mos financohen sipërmarrje të kësaj natyre si stallë apo pika grumbullimi. Nëse vjen një kërkesë për të financuar një agroturizëm është shtëpia e babës, gjyshit, ose toka e gjyshit dhe nuk ka letra për arsye se nuk është bërë ndarja sepse ka zona që se kanë pranuar 7501 dhe e kanë ndarë tokën më mirëkuptim pa konflikt. Mirëpo ligji thotë që duhet ndarë me 7501-shin. Pra faktikisht ata e kanë tokënon pa konflikt, fshati e njeh shumë mirë ku mbaron toka e njërit dhe e tjetrit, por nga ana tjetër nuk mund të marrin dot letrat.

Zgjidhja që ne do t’i japim ndërkohë që kemi bërë dhe disa ndryshime të nevojshme për të bërë regjistrimin në këto zona, ajo që do t’i japim është që në qoftë se vjen dikush, ose vijnë disa dhe thonë këtu do të ndërtojmë një pikë grumbullimi, do bëjmë një investim X për zhvillimin bujqësor apo blegtoral, ne do t’ia regjistrojmë atë copë toke që është për këtë aktivitet, me barrën që nëse do të shfaqet një problem X në të ardhmen, këtë problem cilido që e shfaq e ka me shtetin, nuk e ka me personin.

Personi e merr, e gëzon atë përgjithmonë në bazë të faktit. Po që se dikush tjetër del dhe e pretendon, me të do merret shteti, nuk merret më personi dhe kështu jemi në rregull. Kjo është mundësi teorike sepse e thashë, këto toka nuk kanë konflikte. Me mbështetjen e njësisë administrative dhe të bashkisë që e certifikon këtë fakt, që zotëria që foli e ka të punuar tokën, i ka reale prodhimet, është reale që s’ka konflikt në ato copa toke që i ka blerë nga të tjerët edhe që dihet kush janë, mund ta përfitojë atë mbështetje duke marrë regjistrimin e tokës në bazë të asaj që prodhon dhe të letrave të shitblerjeve me persona të caktuar. Kjo është zgjidhja që do na ndihmojë dhe do ta bëjmë shumë shpejt", deklaroi Rama.