Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rama u mban leksion të rinjve për politikën: Sa më larg t’i rrini, aq më shumë do ‘hani dynjanë’

Politiko 15 Janar 2022, 13:01

Rama u mban leksion të rinjve për politikën: Sa më larg

Duke cituar filozofët e shquar grekë, Platonin, apo Aristotelin, kryeministri Edi Rama ka mbajtur një ‘leksion’ të gjatë për politikën para të rinjve që morën pjesë në një aktivitet kushtuar 30-vjetorit të FRESSH.

Sipas Ramës, politika si fjalë ka hyrë botërisht në listën e fjalëve të pista, ndërsa politikanët janë më të mallkuarit.

“Fjala politikë ka hyrë botërisht në grupin e fjalëve të pista. Edhe politikanët kanë hyrë në një kategori të mallkuar në të gjitha bisedat. Por politika është mundësia e vetme për orientim kolektiv që ne trashëgojmë nga historia e njerëzimit. Politika lidhet drejtpërdrejtë me kërkimin e të mirës, Platoni e përkufizonte si art mbretërorë. Fjalën politikë e dëgjoni si refuzim, për 'u marrë apo për të folur për politik.

Por a është e vërtetë që politika është sinonim i pisllëkut? Fjala politikë vjen nga 'polis' në greqishten e vjetër ishte qytet-shteti. Siç do ishte njeriu pa shpirtin, ashtu do të ishe njerëzimi pa bashkësinë politike. Para se lindte politika, njerëzit nuk mund të jepnin e nuk mund ë merrnin nga njëri-tjetri. Politika përmbledh të tëra diskutimet mbi problemet që duhen zgjidhur e që kanë të bëjnë me një komunitet njerëzish.

Politika është ajo që dallon njeriun nga gjallesat e tjera. Njeriu është e vetmja kafshë politike. Kush thotë nuk merrem me politikë, gënjen veten sepse nuk kupton që politika merret gjithsesi me të. Vendimet e politikës e prekin gjithsesi atë, veprimet e politikës e kushtëzojnë veprimtarinë e tij, politika ndërhyn pa marrë autorizim në jetën e gjithsecilit. Gabojmë kur e lidhim politikën me shfaqjen e saj në media apo rrjete sociale, dhe se të merresh me politik do të thotë doemos që ti je njëri prej tyre që sheh në media, apo fushatë.”, tha Rama ndër të tjera.

Kryeministri kujtoi edhe kohën kur ishte pedagog në Akademinë e Arteve dhe tregoi arsyet i hyri politikës, duke u përfshirë në lëvizjen studentore, kur në atë kohë nuk e kishte në ambicie.

“Ishte politika shkaku i kufizimeve të mia të tmerrshme si artist. Ato kufizime nuk ishin tmerr vetëm për mua, por për gjithë bashkësinë në Akademinë e Arteve. Si mund t’i hapja lirisht librat e ndaluar. Unë s’doja të merresha me politikë, doja të merresha me art, por ja që politika merrej me mua, me artin tim.

Duke luftuar për një të mirë të përbashkët fitoja një të mirë, lirinë krijuese dhe këtu u bashkuan interesat e asaj bashkësie dhe i thyem ato kufi. Më vonë lexova se sensi i politikës është liria. Sa më larg të rrini politikës aq më shumë do hani dynjanë”, u shpreh kryeministri.