Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Maxhorancës

Rindërtimi/ Rama prezanton Bozon si kandidate të PS; Inxhinierja nuk kursen lëvdatat ndaj kryeministrit

Politiko 5 Mars 2021, 10:49

Rindërtimi/ Rama prezanton Bozon si kandidate të PS; Inxhinierja nuk

Kryeministri Edi Rama ka prezantuar ditën e sotme programin “Rindërtimi nuk ndalet”, në sajë të ringritjes së Shqipërisë pas tërmetit të 26 nëntorit.

Gjatë fjalës së tij, kryeministri Rama tha se ky mandat ishte “më i jashtëzakonshmi” për një qeveri shqiptare, pasi u nda në mes për shkak të tërmetit dhe pandemisë.

“Shumë shpejt mësova se diku pranë Durrësit, tërmeti i 26 nëntorit kishte goditur shumë fort. Informacioni shtrihej minutë pas minute, duke krijuar një perimetër, që ende sot po kurojmë pa pushim plagët e mëdha të hapura atë natë, sot kur ne jemi në rrugën drejt 25 prillit. Ende nuk janë 8 vite sepse ne kemi hyrë në gjysmën e shtatorit, jo vetëm kaq, ky mandat ka qenë më i jashtëzakonshmi i një qeverie shqiptare, pasi jemi thyer në mes nga tërmeti dhe nga pandemia.

Ka qenë një fjalë e thënë nga pasioni dhe ambicia për mijëra njerëz që mbetën të pastrehë, nuk ishte një fjalë që atëherë mund të mbështetej në mundësitë tona. Kam marrë rrugën dhe kam bërë me dëshirën më të madhe lypësin, kudo ku kam mundur. Nga Perëndimi deri poshtë në Lindjen e mesme. Arritëm të siguronim një mbështetje rekord”, tha Rama.

Gjithashtu, Rama prezantoi edhe inxhinieren Luljeta Bozo si kandidate për deputete në listat e PS për më 25 prill.

Bozo nuk i kurseu lëvdatat ndaj kryeministrit, duke thënë se qeveria kishte bërë një punë të mirë, pasi njerëzit e goditur nga tërmeti në Itali rrinë ende në rulota, ndërsa këtu u bënë me shtëpi të re falas.

“Ne të gjithë u tronditëm, tërmeti është dukuri e rrezikshme dhe e frikshme. Nga ky tërmet ne nxorëm disa mësime që kanë lidhje me shkeljet që janë bërë në fushën e ndërtimit. Më vjen mirë që në periudhën më pas, qeveria e mori veten shpejt dhe nuk ngeli njeri pa ushqim, nisi përpjekjet për të marrë fondet. Dhe më vjen mirë që ato që kemi konstatuar, defektet në ndërtim, do kishim gjysmat e dëmeve, janë realizuar në këtë pjesë të programit të rindërtimit. Është gjysma e popullsisë që jeton në zonat rurale dhe të gjithë këta të kenë mundësi të hyjnë sa më shpejt. Po të shikojmë si është zhvilluar ekonomia gjatë vitit 2020, bujqësia ka mbajtur një peshë të madhe. Më vjen mirë. Të hysh në shtëpi të re pa paguar asnjë lek është një dhuratë, ne kemi shembuj nga Italia që ra tërmeti dhe njerëzit rrinë në rulota, kurse këto jo vetëm që nuk paguan asnjë lek, por iu bë shtëpia e re me standarte të reja”, tha Bozo.