Shqipëria anëtare e KS në OKB, Rama: Politika evropiane nuk është ‘det i qetë’, s’është kohë e mirë për rrugën në BE

Gjatë fjalës së tij në ceremoninë zyrtare të mandatit të Shqipërisë në Këshillimin e Sigurimit në OKB, kryeministri Edi Rama ka deklaruar se nuk është koha më e mirë për udhëtimin e Shqipërisë drejt BE.

Ai tha se politika evropiane nuk është një ‘det i qetë’ dhe vendet duhet të vazhdojnë të përmirësojnë vlerat e tyre.

Rama theksoi po ashtu se këto vlera nuk janë ekskluzive të BE por janë vlera universale për të cilat si Shqipëria dhe vetë BE luftojnë çdo ditë për t'i përmirësuar. 

“Pandemia që na sprovoi , provoi se vendi ynë ngjitet lart. Nuk është koha më e mirë për udhëtimin tonë drejt BE.

Më bëri një vërejtje të bukur një mendje e kthjellët që më kishte dëgjuar në fjalimin tim në Samitin e Berlinit.

Më tha se kur thua që vlerat që t’i i quan europiane kur flet për BE nuk janë ekskluzive të saj, por edhe vetë BE lufton dhe përpiqet që t’i forcojë më shumë. Por janë vlera universale dhe nëse nuk do të ishin të tilla nuk do të ishin në një sfidë e vazhdueshme edhe për vetë BE pasi sot Kosova nuk do të ishte e pamundur për të lëvizur e lirë, Shqipëria e Maqedonia e Veriut nuk do të ishte në pritje të një date për konferencën në zoom.

Megjithatë është shumë më mirë të jesh i rrethuar nga kufijtë e BE se sa nga telat me gjemba brenda të cilëve ishte izoluar ky vend kur u anëtarësua në OKB dhe u deshëm 3 dekada për të dalë nga izolimi dhe për të parë te vetja aftësinë për të qenë i barabartë“, tha kryeministri.

Në 11 Qershor Shqipëria u zgjodh për herë të parë anëtare e përkohshme e Këshillit të Sigurimit  për një mandat 2 vjeçar.