Flash News

Lotët e Xhafajt dhe gënjeshtrat e njëpasnjëshme, Salianji publikon dokumentat:11 faktet e thjeshta që nuk fshihen dot

Dronë kamikazë për ushtrinë, Rama: Nuk duhet të shqetësojë askënd se kë do godasë Shqipëria

Erdogan takon Ramën, mbërrin në Kryeministri

Presidenti Erdogan mbërrin në Tiranë, niset drejt Presidencës

Erdogan në Tiranë, blindohet kryeqyteti, mbi 700 efektivë në terren

Ditari i Maxhorancës

Siguria miraton marrëveshjen për refugjatët, deputeti i PS: Të marrim më shumë

Politiko 6 Dhjetor 2023, 13:28

Siguria miraton marrëveshjen për refugjatët, deputeti i PS:

Deputeti socialist Vullnet Sinaj shprehu mendimin se Shqipëria duhet të strehojë më shumë refugjatë se sa shifra 3.000 që parashikohet në marrëveshjen mes qeverisë italiane dhe asaj shqiptare.

Në komisionin e sigurisë të zhvilluar online, Sinaj e pyeti ministri e Brendshëm se pse është vendosur që Shqipëria të marrë 3.000 refugjatë dhe jo më shumë, duke përmendur shifrat 6 000 apo 10 000.

Taulant Balla u përgjigj se është kjo shifra e kërkuar nga vetë pala italiane.

Shpjegimi megjithatë nuk duket se kënaqi deputetin e PS Sinaj, i cili tha se me një numër më të lartë refugjatësh të pritur do të theksohej sipas tij mikpritja dhe disponueshmëria ndaj Italisë, si dhe do të sillte më shumë përfitime ekonomike.

“E bëmë që e bamë, ta kishim bërë nja dy tre kampe se s’u bë qameti”, u shpreh ai.

Në fund, marrëveshja u miratua në parim nga deputetët e PS.

Balla garantoi se me ardhjen e emigrantëve nuk ka asnjë rrezik të sigurisë kombëtare dhe se nuk mund të hyjnë as element të skeduar për krime apo akte terroriste.

Gjatë bisedës online Balla tha se në momentin e mbërritjes bëhet identifikimi I tyre dhe nëse rezulton I skeduar ai kthehet mbrasht. Gjithashtu shtoi se qendra monitorohet 24 orë nga pala shqiptare.

Pranvera Resulaj: Çfarë do të ndodhë kur kemi ngjarje penale jashtë territorit, sa i kemi kapacitetet për të menaxhuar situatën me forcat policore tona. A konsiderohet rrezik të sigurisë kombëtare?

Taulant Balla: Në territorin e Republikës së Shqipërisë nuk hyn dot askush që është i skeduar për veprimtari kriminale apo akte terroriste. Për këtë është parashikuar që në momentin e parë të mbërritjes së Republikës së Shqipërisë bëhet identifikimi i tyre. Nëse rezulton se është I skeduar nuk hyn në Shqipëri por kthehet mbrapsht menjëherë. Nga ky moment pasi të bëhet regjistrimi e verifikimi i tyre bëhet transportimi nga pala italiane shoqëruar nga policia shqiptare deri në qendrën e pritjes. Qendra e pritjes është juridiksion i Republikës italiane dhe ka përgjegjësinë për rendin e sigurinë. Në raste të vecanta është caktuar në protokoll si ndodh kur kërkohet ndërhyrja jonë.

Nuk ka asnjë rrezik të asnjë lloj aktiviteti kriminal të secilit prej tyre jashtë territorit të qendrës sepse qendra është 24 orë e monitoruar nga forcat e policisë shqiptare. Shpenzimet për kostot e këtij operacioni do të mbulohen nga qeveria italiane pjesë e këtij protokolli. Duhet të jeni të qetë se nu ka asnjë rrezik për kryerjen e asnjë aktiviteti kriminal jashtë këtij territori.

Të fundit