Flash News

I biri plagosi me thikë të miturin, nëna e 14-vjeçarit: Në shtëpi erdhi me policinë

Protesta e PD/ Efektivë policie në terren, vendoset gardh metalik

Sherr mes adoleshentëve në Maliq, plagoste me thikë 15-vjeçari

Presidenti i KE nga Tirana: Rendi botëror po minohet, siguria e Ukrainës është siguri e BE

U arrestua për masakrën e Dobraçit, GJKKO liron nga qelia Xhuljo Vuksanin

Ditari i Maxhorancës

“Tropojan 24 karat”, Rama telefonon Petrit Malajn: Në fokus turizmi malor, ma vure kusht dhe s'kam ç'bëj

Politiko 7 Prill 2021, 10:51

“Tropojan 24 karat”, Rama telefonon Petrit Malajn: Në fokus

Teksa ndodhet në Përmet në kuadër të fushatës elektorale, kryeministri Edi Rama ka zhvilluar një bisedë telefonike me kandidatin e PS-së në Qarkun e Kukësit, Petrit Malaj.

Karahas bisedës së publikuar me video në profilin e kreut të qeverisë në Facebook, Rama e cilëson Malajn një “tropojan 24 karat”, ndërsa e pyet në lidhje me mbarëvajtjen e fushatës elektorale. Kryeministri theksoi së mandatin e tretë e duan që të vazhdojnë punët që kanë nisur, dhe se në fokus do të jetë mbështetja e fortë për turizmin malor.

Biseda mes Ramës dhe Malajt:

Rama: Petrit si je vëlla, si të kam. C’thotë Tropoja heroike, me Partinë Demokratike.
Malaj: Në fakt po kaloj një situatë të mirë, një kohë goxha të mirë dhe kam përshtypjen se tropojanët kanë rënë aty ku duhet, brenda asfaltit, sic janë këta vetë, njerëz të mirë, punëtorë, besnikë, njerëz të mirë, unë mburrem gjithmonë me to.
Rama: Si po ecën fushata?
Malaj: Mirë, jam përpjekur t’i takoj e të flas në sy me ta. Kam shkelur shumë pjesë të territorit, kam takuar njerëz me halle e borxhe. Shoh që ka shpresë. Unë transmetoj idenë se ne kemi çfarë të bëjmë dhe do bëjmë gjëra të mira këtu.
Rama: Ata e kanë parë çfarë ndryshimi ka ndodhur atje, që kur ne filluam të punojmë dhe falë bashkëpunimit që patëm me kryebashkiakun atje, edhe pse ishte i PD, por u tregua i hapur.
Malaj: E ndjej veten mirë në fakt. Dy faktorë më bëjnë të ndjehem mirë këtu, fakti që jam pjesë e këtij komuniteti dhe që të parët e mi më kanë hapur një terren goxha të pranueshëm.
Rama: O vëlla tani ti je gur i rëndë në vend të vet. Ti mbase je shumë modest për ta thënë vetë, por ti je thjesht dhe vetëm një tropojan i angazhuar për vendin tënd, jo për veten tënde. Ti nuk je në kërkim të një vendi pune.
Malaj: Kjo është e vërtetë. Të them të drejtën investimet janë të prekshme dhe reale këtu. Bashkia ka hapur shumë fronte pune këtu, edhe rrugë.
Rama: Ne duhet të forcojmë edhe dy mesazhe të tjera atje, e para se janë jo vetëm këto të infrastrukturës, por dhe shembuj konkret se çfarë po bëhet me fuqizimin e sipërmarrjes bujqësore atje. Ne do vazhdojmë t’i fuqizojmë. E dyta, ky mandat do të ketë një fokus më të qartë e të fortë në turizmin malor. E ardhmja do të jetë vërtet tërheqëse, por duhet 25 prilli.
Malaj: Është domosdoshmëri, se ky vend është vërtet përrallë.
Rama: Ne kemi bërë një diskutim bashkë, ti ma vure kusht dhe unë s’kam çfarë të bëj, të mbaj peng tani. Thuaju atyre, bëjua të qartë që duhet kjo mbështetje për të vazhduar ne punën, jo për ne personalisht.
Malaj: Më ke dhënë një fjalë që ekziston mundësia dhe të kalosh këtej.
Rama: Po patjetër, ku do shkoj pa kaluar në Tropojë, je në vete ti?
Malaj: Ok, do doja të kaloje vërtet, se e di si të presin këtu.
Rama: Do jemi në Tropojë patjetër.

Të fundit