Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Akuzat për shkollimin e tij, reagon Këlliçi: Nuk kanë program, kërkojnë debat shterp

Politiko 24 Prill 2023, 14:53

Akuzat për shkollimin e tij, reagon Këlliçi: Nuk kanë

Kandidati i koalicionit “Bashkë Fitojmë” për Bashkinë e Tiranës, Belind Këlliçi ka sqaruar temën lidhur me shkollimin e tij, pas disa lajmeve të publikuara për shkollimin e tij, ku thuhet se ai nuk zotëron një diplomë të shkollës së mesme.

I ftuar në emisionin “Kafe Shqeto” në Syri TV, Këlliçi shpjesoi se ai i ka kryer shkollën e mesme me nota të shkëlqyera pranë institutit “Harry Fultz”, duke nisur procedurat për studimet në Amerikë, siç ka ndodhur me disa nxënës ekselentë, ndërsa më pas ka marre gjitha kreditet e nevojshme, për të nisur shkollimin në SHBA.

Ai i cilësoi lajmet e publikuara si një përpjekje për të devijuar debatin nga problematikat e jetesës në TIranë, për shkak se kundërshtari i tij politik nuk ka një program të mirëfilltë për kryeqytetin.

Këlliçi tha se ajo që ka bërë Shqiptarja.com, ka qenë leximi i vetëm të disa rreshtave të shkresës së dërguar nga instituti ‘Harry Fultz’ dhe fshehja e pjesës tjetër që sqaron se kandidati i ‘Bashkë Fitojmë’ ka aplikuar dhe ka vijuar studimet në Shtetet e Bashkuara të Amerikës, bazuar në kredencialet që ka fituar.

“Ka pafund njerëz që kanë qenë me mua, edhe më njohin, edhe e dinë se çfarë lloj nxënësi kam qenë. Gjithsesi, në lajmin e bërë një ditë më parë në Report TV, nuk e kuptoj pse duhet të censurohej kjo letër, pse duhej një lajm çerek i vërtetë, pse duhej nxjerrë vetëm tre rreshtat e para."

"Ja ta lexoj ‘Zoti Këlliçi ka kryer katër vite studim të ciklit 5-vjeçar në shkollën tonë, me drejtimin biznes, Gjatë këtyre viteve ka një vlerësim me notën mesatare 9.7’. Janë mërzitur këta se janë mësuar, e kanë kryeparlamentaren me 5.6. I ka ngel kunj. Më pas nuk kishte më asnjë fjalë, ishte e gjithë shkresa blur."

"Ndërkohë shkresa vazhdon, ‘i klasifikuar në 5% të studentëve më të mirë’. Më pas qartësohet, ‘në vitin shkollor 2004-2005 e zgjodhi si president të këshillit studentor’. Në përfundim të klasës 12, siç e kërkon dhe ligji, 8 + 4. Maturë s’ka pasur, unë kam qenë në vitin 2005, ndërsa matura ka hyrë në vitin 2006. Këta më kërkojnë të jem në një sistem që ‘ska ekzistuar."

"Vijon shkresa ‘në përgjigje të kërkesës së tij për studime të mëtejshme në SHBA, pajiset me dokumentet e mëposhtme, raportin shkollor me rezultatet për katër vite, skelet-kurrikulën 2001-2005 dhe programet mësimore të detajuara, sepse duhet të dinë çfarë lëndësh ke bërë dhe vërtetimin tip që sqaron në lidhje me zhvillimin në gjuhën angleze të 70% të lëndëve mësimore. për dijeninë tuaj, vijon përgjigjia, kjo praktikë është ndjekur në shkollën tonë nga shumë nxënës të dalluar të periudhës 19997-2005, viti i fundit me dëftesë, të cilët pas shkollimit këtu kanë ndjekur studimet në Shtetet e Bashkuara të Amerikës dhe Mbretërinë e Bashkuara, bazuar në kreditet,”- tha Këlliçi.