Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

‘Amnistia fiskale’, Kryemadhi: Për të pastruar paratë e inceneratorëve, 170 milionë euro evazion fiskal vetëm ai i Tiranës

Politiko 28 Qershor 2022, 21:29

‘Amnistia fiskale’, Kryemadhi: Për të pastruar paratë

Kryetarja e LSI, Monika Kryemadhi ka komentuar projektligjin e propozuar nga qeveria për ‘amnistinë fiskale’.

E ftuar në emisionin ‘Politiko’ në Top News, Kryemadhi tha se me amnistinë fiskale kryeministri Edi Rama dhe kryebashkiaku i Tiranës, Erion Veliaj synojnë të pastrojnë paratë e tyre.

Sipas Kryemadhit, aministia fiskale do të shërbejë për të pastruar paratë e inceneratorëve, ndërsa duke u ndalur te inceneratori i Tiranës tha se janë 170 milionë euro evazion fiskal.

"Amnistia fiskale qëllimin e vetëm që ka është për të pastruar paratë e Ramës, Veliajt dhe kompanive që janë të lidhura me inceneratorët. Shumë shpejt kemi gati materialin për evazionin fiskal të inceneratorëve.

Rama do të bëjë sikur po flet për një amnisti fiskale për ata që janë emigrantë apo biznese të tjëra unë jam e bindur që biznese të tjëra shqiptare nuk i kanë mundësitë të kenë 2 milionë euro të fshehura që t’i deklarojnë. Me këtë përfitojnë vetëm ata që kanë bërë evazionin fiskal. Vetëm në rastin e inceneratorëve në dosjen që ne kemi përgatitur dhe që shumë shpejt do t’ia bashkangjisim prokurorisë së posaçme, për çështjen e inceneratorit të Tiranës janë 170 milionë dollarë para të fryra me fatura fiktive përveç faturave të fryra mungon dhe detyrimi i paguar në zyrat e tatim taksave shqiptare.

Po të ndjekësh skemën dhe shumë kompani të tjera që fitojnë punë publike kanë fatura fiktive me fatura të fryra dhe përvecc kësaj nuk është derdhur as TVSH”, thotë Kryemadhi.

E pyetur nëse denoncimi për inceneratorët është hakmarrje e LSI me Lefter Kokën që e la në baltë, Kryemadhi tha se “me Kokën duhet të ishte arrestuar edge edhe Engjëll Agaci. Me Alqi Bllako duhet të ishte edhe kryetari i bashkisë Fierit. E kuptoj pozitën e vështirë të SPAK, goditja i vjen nga qeveria për shkak të presionit të ushtruar”.

Të fundit