Flash News

Rikthehen reshjet e shiut, ulen temperaturat, si parashikohet moti sot

Sherr me sende të forta në një rezidencë në Lundër, dyshohet për një të plagosur

Funerali i Papa Françeskut, 4,000 policë do të mbikëqyrin sigurinë nesër në Vatikan

Video/ Minatori i zhgënjyer djeg teserën e PS

Aksident në “Plepat e Kardhiqit”, gjermani përplas këmbësoren në Gjirokastër

Ditari i Opozitës

“Arsimi në emergjencë kombëtare”, PL: Institucionet shtetërore të mbajnë përgjegjësi

Politiko 6 Dhjetor 2023, 09:39

“Arsimi në emergjencë kombëtare”, PL: Institucionet

Me progresin e teknologjisë, në momentin që pritej risi dhe përparim në nivelin e arsimit, gjendja që na paraqitet është e mjerueshme.

Arsimi në vend  është në nivelin më të ultë  në rang botëror, shpallur kjo nga institucione të rëndësishme ndërkombëtare si PISA, Programi i OECD për Vlerësimin Ndërkombëtar të Studentëve, që mat aftësinë e 15-vjeçarëve për të përdorur njohuritë e tyre në leximi, matematikë dhe shkencës.

Nënkryetarja e Partisë së Lirisë, Erisa Xhixho, nën thirrjen "arsimi në emergjencë kombëtare", kërkoi që pas raportit dramatik që ka nxjerrë së fundmi PISA, në të cilin Shqipëria renditet e 62-ta ndër 80 vendet që kanë marrë pjesë në testimet e saj në lexim, matematikë, shkencë, institucionet shtetërore shqiptarë duhet të japin llogari.

 “Jemi më keq se në 2018, akoma më keq se në 2015 dhe shumë më keq se në 2012.  Shqipëria ka humbur në matematikë 69 pikë, në letërsi 47 pikë, në shkencë 41 pikë, duke qenë të fundit në renditje.

Nxënësit shqiptarë në nivelin më të ulët të edukimit. Me këto ritme do të kemi analfabetizëm funksional masiv.  Sot duhet të vihen përpara përgjegjësisë institucionet shtetërore, Ministria e Arsimit, dhe qeveria për të dhënë llogari.

Pse cilësia e arsimit nuk rritet, por vetëm bie në mënyrë progresive?! - Sepse qeveria nuk mbështet me buxhet arsimin, por i çon paratë te oligarkët; sepse kërkimi shkencor nuk financohet, por koncesionet nuk ndalen; sepse mësuesit dhe pedagogët injorohen, ndërsa paratë për luksin qeveritar derdhen lumë; sepse ekselenca largohet në mungesë të shpresës.

Arsimi duhet të jetë prioritet kombëtar dhe të mbështetet me buxhet dhe çdo mekanizëm për të rritur cilësinë e edukimit.  Është e vetmja armë që kemi në dorë për të luftuar shpopullimin masiv të Shqipërisë.”

 

Të fundit