Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Ditari i Opozitës

Bardhi kundër komisioneve online: Opozitës po i mbyllet goja, nuk kërkova bojkot. Publikut po i hidhet hi syve

Politiko 23 Shtator 2021, 11:33

Bardhi kundër komisioneve online: Opozitës po i mbyllet goja, nuk

Propozimi i PS-së për të zhvilluar mbledhjet e Komisioneve Parlamentare online u kundërshtua nga demokratët, të cilët e cilësuan si asgjësim të parlamentarizmit.

Sekretari i Përgjithshëm i PD-së Gazment Bardhi e cilësoi8 një vendim të papranueshëm teksa theksoi se do të mbledhë tre krerët e grupeve parlamentare për të diskutuar vendimit.

‘’Vendimmarrja për ti mbyllur gojën opozitës, me seanca qesharake online ka synimin e vetëm për ti ikur përgjegjësisë mbi debatin, diskutimin, aktet korruptive që qeveria sjell në parlament. Padiskutim që kjo është e papranueshme. Keni raportuar sot, jemi mbledhur 140 deputetë. Para dy ditësh njëlloj si në komisione u mblodh Këshilli i Ministrave.

Qeveria u mblodh fizikisht. Pse do të duhet që komisionet të mos mblidhen sipas kushteve të përcaktuara nga Kuvendi. Fizikisht, dhe jo në mbledhje qesharake. Unë kam konsultuar tre kryetarët e grupeve parlamentare, do të bëjmë një mbledhje të përbashkët, vendimi është i papranueshëm mungesë transparence, ka synim ti fshihet syve të opinionit publik,” ka thënë Bardhi.

Sa i përket ftesës së Gjiknurit për bashkëpunim, Bardhi tha se kur opozitës po tentohet t’i mbyllet goja, nuk mund të flitet për bashkëpunim.

“Së pari të përqendrohemi tek kjo ngjarje e rëndë. Opozitës po i mbyllet goja. Në këtë prizëm nuk besoj që ky është një parlament që funksionon dhe ku secili prej nesh mund të kryejë reforma. Në një parlament ku synohet ti hidhet hi syve të publikut, ti mbyllësh gojën opozitës, nuk mund të flitet për bashkëpunim.

Nuk kam dijeni për deputetët e vaksinuar ose jo. Janë udhëzuar për t’u vaksinuar. Kolegët e kanë pranuar sugjerimin dhe këshillën. Jemi gati ti nënshtrohemi vaksinimit. Më thoni kush është dallimi mes mbledhjeve. E njëjta procedurë dhe e njëjti rregull. MSH i jep leje Ramës për mbledhje, ndërsa e njëjta MSH na thotë mos u mblidhni në komisione parlamentare, mos demaskoni dhe bëni opozitë ndaj akteve korruptive të qeverisë në kundërshtim me Kushtetutën,” ka thënë më tej Bardhi.

Lidhur me kërkesën e deputetit Tritan Shehu për të bojkotuar, Bardhi shprehet se personalisht nuk ka folur për bojkot, por se ka qenë vetëm një kërkesë e Shehut.

“Unë nuk fola për bojkot, sikundër nuk e di kush e ka hedhur si ide. Shehu hodhi mendimin e tij, jam konsultuar me kryetarët e grupeve parlamentare të opozitës. Do të mblidhen grupet në mbledhje të përbashkët për vendim,” tha Bardhi.

I pyetur për numrin e deputetëve të vaksinuar, Bardhi u përgjigj se nuk është në dijeni. "Unë nuk kam dijeni për këtë. Konferenca e Kryetarëve ka marrë një vendim për t’i udhëzuar deputetët që të vaksinohen," tha Bardhi.