Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha 'harron' ultimatumin e Berishës, kujton 31-vjetorin e Rilindjes Demokratike

Politiko 5 Janar 2022, 09:53

Basha 'harron' ultimatumin e Berishës, kujton 31-vjetorin e

Në 31-vjetorin e themelimit të gazetës Rilindja Demokratike, kreu i opozitës Lulzim Basha, ka përcjellë një mesazh duke falenderuar gazetarët, redaktorët dhe kryeredaktorët që dhanë asokohe kontributin e tyre.

Në një postim në Facebook, Basha shkruan se aktualisht mediet ndodhen në një situatë të vështirë për lirinë e tyre, ku kanë nevojë për inkurajim dhe mbështetje.

Kujtojmë se sot skadon afati që ish-kryeministri Sali Berisha i ka lënë Lulzim Bashës, për t’u larguar nga selia blu. Nga ana e kryedemokratiti , deri tani nuk ka pasur një reagim. Ndërsa vetë Berisha njoftoi protestë kombëtare më 8 janar, para selisë së Partisë Demokratike.

Postimi:

Mëngjesin e 5 janarit 1991, pas një pritje gjysmë shekullore, “Fjala e parë” mbërriti në duart e shqiptarëve. Rilindja Demokratike, e para media opozitare në Shqipëri, u bë themeluesja e shtypit të lirë shqiptar, duke shënuar përgjithmonë historinë e re të vendit. Një tribunë refleksionesh mbi regjimin komunist e të shkuarës dhe mbi demokracinë e shumëpritur të së ardhmes, vepër e intelektualëve, gazetarëve, studentëve, që i'u bashkuan prej orës së parë Partisë Demokratike, për të sjellë fjalën e lirë, votën e lirë dhe ribashkimin me Perëndimin.

Në këtë përvjetor të 31-të, dua të shpreh mirënjohjen time dhe të Partisë Demokratike për të gjithë drejtuesit, kryeredaktorët dhe gazetarët e Rilindjes Demokratike, të cilët kanë kontribuar për lindjen dhe zhvillimin e bijës së lirisë, si mbrojtëse e interesit publik, promovuese e vlerave universale të njeriut dhe vokacionit tonë perëndimor, në ditë të mira dhe të vështira.

Dhe të vështira janë ditët e sotme për mediat. Në një atmosferë mbytëse për lirinë e tyre, mes plagëve të vjetra të tranzicionit dhe të rejave të kësaj kohe sfiduese për të vërtetën, ato ka nevojë për inkurajim dhe mbështetje të gjithanshme, që askush të mos prekë fjalën e lirë sepse nëpërmjet saj ne mbrojmë të vërtetën, si një gjest shërimi për të parë me guxim dhe shpresë nga e ardhmja.

Gëzuar! 

Të fundit