Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Basha: Sistemi shëndetësor i kolapsuar, Rama bredh Tiranë-Kukës i shoqëruar nga autokolona mbrojtjeje

Politiko 31 Tetor 2020, 13:21

Basha: Sistemi shëndetësor i kolapsuar, Rama bredh

Kreu i PD, Lulzim Basha deklaron se sistemi shëndetësor aktualisht është i kolapsuar për shkak të situatës së krijuar nga Covid-19.

Në një bashkëbisedim me gazetarët, Basha tha se pavarësisht kërkesave për tamponë, testimi i pacientëve është refuzuar nga ISHP.

Basha akuzon kryeministrin Edi Rama si përgjegjësin kryesor që në vend që të ballafaqohet bredh në Tiranë-Kukës i shoqëruar nga autokolona mbrojtjeje.

“Në 24 orët e fundit e kam parë nga afër se sa i kolapsuar është sistemi shëndetësor, duke u angazhuar me 4 raste të afërmish me COVID. Pavarësisht kërkesave të këtyre rasteve, testimi i pacientëve është refuzuar nga ISHP. Mungesa e testimeve, përpjekje e qëllimshme për të fshehur të vërtetën.

Shifrat e raportuara, nuk përfshijnë me qindra raste që as nuk testohen, as nuk kurohen nga sistemi shëndetësor.

Refuzimi i organizuar i testimit të të sëmurëve, përgjegjësi personale e Edi Ramës. Përhapja e shpejtë e infeksionit pasojë e mostestimit dhe mostrajtimit të mijëra rasteve me COVID. Pjesa dërrmuese e qytetarëve nuk përballojnë dot çmimet e larta të ilaçeve. Pensionistët, qytetarët më të varfër, kanë edhe shpenzimet më të larta për ilaçe.

Përgjegjësi i kësaj situate është zhdukur dhe ka inskenuar bredhje Tiranë-Kukës i shoqëruar nga autokolona mbrojtjeje. Refuzon të japë përgjigje për mosblerjen e tamponëve dhe disbursimin e parave për  oligarkët në kohë pandemie.

Refuzon të përgjigjet pse hap para kamerave disa herë spitalin COVID 3 dhe nuk e hap asnjë ditë për pacientët. I fshihet pyetjes se përse nuk paguan bonusin për mjekët dhe infermierët. Asnjë përgjigje për mostestimin e mësuesve, për mospajisjen e shkollave. Sot në Kukës jetojnë 1/3 e banorëve që kishte qyteti kur Edi Rama erdhi në pushtet, ka cuar 500 mijë njerëz në azil dhe 2/3 e kuksianëve janë detyruar të ikin nga vendi prej diskriminimit që u ka bërë Edi Rama në 7 vite.

Lëviz një kryeministër me auokolona rojesh para e mbrapa, se nga urrejtja e popullit nuk e mbrojnë dot. Lëviz si pushtues kaq i ruajtur ne territorin e vendit, dhe këto masa sigurie nuk merren ndaj covid. Rama është bërë barrë e papërballueshme për cdo shqiptar. Vetëm largimi i tij është ndarja me të keqen”, tha Basha.

 

Të fundit