Flash News

Ditari i Opozitës

Bashës i ikën edhe deputeti i Matit: Mandatin ma dhanë votuesit e PD, s'e kaloj në asnjë subjekt tjetër politik

Bashës i ikën edhe deputeti i Matit: Mandatin ma dhanë votuesit e

Dy ditë pas vendimit të Gjykatës së Apelit që i dha të drejtën e vulës grupit të Rithemelimit që drejtohet nga Sali Berisha, veç deputetes së Fierit, Eralda Tase Bano, ka vendosur t’i bashkohet Grupit Parlamentar të PD-së edhe deputeti i Matit, Kreshnik Çollaku.

Në një postim në facebook, ai shkruan “Unë jam e do te mbetem deputet i Partisë Demokratike”.

Sakaq, një sqarim më të shtjelluar deputeti e ka dhënë për një komentues ku thotë se mandatin e ka marrë nga votuesit e PD dhe nuk mund ta shpërdorojë për një forcë tjetër politike veç PD-së.

"Une jam student dhjetori dhe themelues i PD. Une jam deputet me votat e demokrateve,te cilet prej dy vitesh jane te ndare. Dhe ata qe prej dy vitesh na mbeshteten dhe ata qe na kundershtuan jane demokrate.

Ata me votuan qe te perfaqesoj PD. Une betejen e bera per PD. Une nuk kam asnje te drejte qe mandatin e marre nga demokrate qe nje pjese mendon si une ose nje pjese ndryshe nga une, ta kaloj ne cdo subjekt tjeter politik qe nuk eshte PD", shkruan Çollaku. 
 

Të fundit