Flash News

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

“Reuters”: Rama kërkon mandatin e katërt në zgjedhjet e dominuara nga korrupsioni dhe bandat kriminale

Ditari i Opozitës

"Është një sinjal i qartë", Noka tregon ndryshimin statutor që do të bëhet nesër në Kuvend

Politiko 1 Dhjetor 2023, 21:36

"Është një sinjal i qartë", Noka tregon ndryshimin

Partia Demokratike ka thirrur nesër në orën 11:00 Kuvendin Kombëtar ku do të bëhet votëbesimi i kryedemorkatit, Sali Berisha.

Në një intervistë për emisionin “Pa censurë”, Sekretari i Përgjithshëm Flamur Noka konfirmoi se do të ketë një ndryshim statutor që i hap rrugë bashkimit zyrtar me pjesën tjetër të deputetëve që drejtohen nga Gazment Bardhi.

Ndryshimi konsiston në faktin që Kuvendi Kombëtar i delegon Këshillit Kombëtar të drejtë vendimmarrëse për situata të ndryshme politike, si dhe për organizimin dhe funksionimin e PD.

“Sigurisht që do t’i propozohet Kuvendit edhe rikthimi i një neni që ka ekzistuar në nenin e Partisë Demokratike, deri në vitin 2014 që në raste të jashtëzakonshme ose të veçanta, në pamundësi të mbledhjes së Kuvendit do të jetë Këshilli kombëtar që mund të bëjë një ndërhyrje në statut për të përshtatur sipas situatës zhvillimeve politike apo organizimit dhe funksionimit të forcës politike.

Disa momente në raste të veçanta apo në raste të jashtëzakonshme disa vendimmarrje ia delegon Këshillit Kombëtar. Pra, do të ketë më shumë kompetenca.

Është kërkesë e çdo opozitari që ne të jemi bashkë. E kundërta është vetëm interes i Edi Ramës. Vendimi për të bërë këtë ndryshim është një derë e hapur për t’iu përshtatur zhvillimeve të brendshme apo zhvillimeve të tjera. Prandaj i jepet fuqi për të vepruar Këshillit, si organi i dytë fuqiplotë mes Kuvendeve. Besoj se ky është një sinjal i qartë për ta. Si grup parlamentar jemi i bashkuar, tani jemi në bisedime për të vazhduar dhe realizuar unifikimin total”, u shpreh Noka.

Të fundit