Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

BE mund të kthejë vizat për Shqipërinë, ish-ministri i Jashtëm: Ka një problem që nuk është adresuar nga qeveria Rama

Politiko 30 Shtator 2021, 14:15

BE mund të kthejë vizat për Shqipërinë, ish-ministri i

Ish-ministri i Jashtëm Aldo Bumçi ka komentuar dokumentin e brendshëm të BE-së, ku disa shtete të Ballkanit Perëndimor, mes tyre Shqipëria rrezikojnë pezullimin e udhëtimit pa viza në bllok.

Bumçi tha për "A2 CNN" se sa i përket kërkesave për azil, Shqipëria krahasohet me Sirinë dhe Afganistanin. Ai shtoi se shqetësimet kanë ardhur në mënyrë të vazhdueshme, që nga viti 2014.

“Largimi masiv i shqiptarëve arriti kulmin që me ardhjen e kësaj qeverie. Kjo është përmbysje e asaj që ndodhi në 2014, popullsia u rrit, pati rikthim të emigrantëve nga Greqia e Italia dhe në 2014 filloi largimin masiv. Jemi vendi i parë për aplikim për azil, jemi krahasuar me Sirinë e Afganistanin.

Ky shqetësim ka ardhur në mënyrë të qëndrueshme e ka ngritur Franca me të miturit deri te kërkesa e Hollandës dhe pati kërkesë zyrtare drejtuar KE për të vënë mekanizmin e pezullimit të lëvizjes së lirë. KE kontakton vendet anëtare dhe kërkon të merren masa. Kur Gjermania flet në vetë të parë nuk ka ç’të presë më. Kur flet vetë do të thotë që nuk ke dëgjuar asnjë paralajmërim dhe nuk ke marrë asnjë masë”, tha Bumçi.

Ky i fundit shtoi se një tjetër problem është dhe kriminaliteti. Ish-ministri thotë se pala shqiptare nuk e ka adresuar këtë shqetësim që vjen nga vendet e BE-së. Bumçi bën fajtore qeverinë që nuk i ka zgjidhur ankesat që kanë ardhur, duke theksuar se Shqipëria është bazë operacionale e krimit të organizuar.

"Një problemi që nuk ka marrë adresim nga pala shqiptare dhe përveç kësaj kemi edhe problemin e kriminalitetit që e detyrojnë një vend të marrë këto masa.  Azilkërkuesit, shkelja e vizës dhe fenomenet e krimit dhe këto kanë krijuar shqetësim për vendet euopiane.

Shqipëria është bazë operacionale e krimit të organizuar. Jemi në listën e zezë për pastrimin e të ardhurave nga aktivitetet kriminale. Kërcënimi që vjen me Gjermaninë tregon që ka sosur durimi.Bëhet fjalë për të drejta themelore që kjo qeveri nuk i ka ruajtur, dhunë e paimagjinueshme. I gjithë faji është i Edi Ramës, nuk ka problem Europa”, shtoi ai.  



 

Të fundit