Flash News

Shpërthime të fuqishme në Tel Aviv dhe Jerusalem, Irani sulmon me mbi 100 raketa

Përfshihet nga flakët makina në Bulqizë, shpëton shoferi dhe pasagjerët

Zjarr në Berat, përfshihet nga flakët një sipërfaqe me shkurre

Emigranti shqiptar i nxori nga lumi, dy fëmijët nuk ia dalin dot, pësojnë vdekje klinike

SPAK do të paraqiste raportin dymujor për hetimet ndaj Veliajt, shtyhet seanca në GJKKO

Ditari i Opozitës

Benet Beci i pandehur nga SPAK, Bardhi: Kompromenton rëndë SPAK-un, të shkojë tek koka e aferës

Politiko 12 Qershor 2025, 22:59

Benet Beci i pandehur nga SPAK, Bardhi: Kompromenton rëndë SPAK-un,

Kreu i Grupit Parlamentar të PD, Gazment Bardhi ka reaguar pas publikimit të dokumentit që dëshmon se  kryebashkiaku i Shkodrës, Benet Beci u mor zyrtarisht i pandehur para zgjedhjeve, për kryerjen e veprës penale "Shkelja e barazisë së pjesëmarrësve në tendera apo ankande publike", në bashkëpunim. 

Përmes një reagimi në rrjetet sociale, Bardhi shkruan se fshehja e këtij informacioni e kompromenton integritetin e Prokurorisë së Posaçme.

Sipas Bardhit, nuk ka asnjë arsye që Beci të jetë me status të posaçëm nga zyrtarët e tjerë publikë që janë marrë të pandehur, duke bërë thirrje ndërkohë që të SPAK të hetojë aferat në sektorin e energjisë, ku të dhënat e ‘larmishme’ të çojnë te ministrja Belinda Balluku.

“Marrja si i pandehur i kryetarit të bashkisë Shkodër nga Prokuroria e Posaçme që në Tetor 2024 është një informacion që duhet të ishte ndarë me publikun. Fshehja e këtij informacioni, ndryshe nga sa është vepruar me çdo çështje tjetër, e kompromenton rëndë integritetin e Prokurorisë së Posaçme. Nuk ka asnjë arsye që Benet Beci të ketë një status të posaçëm nga zyrtarët e tjerë publikë që janë marrë të pandehur. Aferat në sektorin e energjisë janë të larmishme dhe SPAK  që është ministrja Belinda Balluku.

Sot gjithashtu media ka referuar një informacion të Prokurorisë së Posaçme se një ministër në detyrë është person nën hetim prej saj. Kjo nënkupton që ministri është njoftuar për këtë pozitë procedurale, informacion që gjithashtu duhet të ishte ndarë me publikun. Aplikimi i ligjit me disa standarde nga SPAK, dhe ndarja e informacionit me publikun në mënyrë selektive, nuk i shërben rritjes së besimit të publikut tek drejtësia dhe dëmton rëndë reputacionin e SPAK”, shkruan Bardhi.

Të fundit