'Berisha i arrestuar dhe Rama e Veliaj të lirë është sulm i mafias mbi qytetarët!'

Nga Petrit Vasili/

Ndërsa mijra fakte, shkresa, dokumente, prova dhe realitete provojnë vjedhjen e frikshme të Ramës dhe Veliajt me inceneratoret dhe koncesionet, po kërkohet arrestimi i Berishës.

Drejtësia me regji i ka gati dosjet e Ramës dhe Veliajt, dosje që gjëmojnë e bubullojnë dhe nuk leviz gishtin dhe as guxon ti zërë me gojë.

Edhe shqiptari më i fundit, edhe media më e fundit edhe rrjeti social më i fundit brenda dhe jashtë Shqipërisë janë shumë të qartë për fajin dhe përgjegjësitë penale kolosale që rëndojnë mbi Ramën dhe Veliajn.

Drejtësia me regji është sot nën akuzë për mosveprimin e qëllimshem të saj ndaj Ramës dhe Veliajt dhe me këtë mosveprim ka shuar çdo iluzion se kjo është drejtësi e pakapur, e paanshme dhe që zbaton ligjin njelloj për të gjithë.

Për Berishën kërkohet arrestimi sepse ai ka kryer dhe po kryen me ndershmëri detyren e liderit te pakapur te opozites, denoncuesit te vendosur dhe mbrojtesit të ndershem të ligjshmërise dhe interesit publik.

Sot përballë janë hajdutët më të mëdhenj të Shqipërise Rama dhe Veliaj të mbrojtur nga drejtësia, përballë shqiptarëve të plackitur egërsisht prej tyre.

Goditja e Berishës është goditje e mafies të cilës i janë prekur interesat dhe ka lëshuar të gjithë pjellat e saj në qeveri dhe drejtësi që të mbyllin gojën e Berishës, opozitës dhe gjithë popullit .

Ndryshe nga çdo vend tjetër në botë ku drejtësia ka goditur mafien edhe duke sakrifikuar jetën si Falcone, Borselino, Dalla Chiesa në Itali, në Shqipëri drejtësia bën të kundërtën jeton nën hijen dhe nën urdhërat e mafies dhe përfaqsuesve të saj në qeveri Rama dhe Veliaj.

Sot është ditë e zezë për demokracinë, zbatimin e ligjit, të drejtat e njeriut, pluralizmin dhe ditë e bardhë për mafien dhe çdo shërbetor të saj kudo që ai ndodhet.

Sot është ditë fatkeqe për ligjin dhe shtetin ligjor dhe ditë e lumtur për antiligjin dhe pandeshkueshmërinë e hajdutëve qeveritarë.

Megjithatë këto momente të errta do të kalojnë pa asnjë diskutim dhe deshtimi i mafies dhe antiligjit se bashku me ata, qe i sherbejne do te jete i sigurte sepse ata jane nje pakice e pakices perballe nje shumice derrmuese, qe do ligjin dhe vetem ligjin, drejtesine , barazinë, demokracinë.