Flash News

Alarm për bombë pranë ambasadës serbe në Tiranë

Marrëveshja me Italinë/ Niset anija e parë me emigrantë drejt Shqipërisë

Begaj kthen për rishqyrtim në Kuvend ligjin për “Inspektimin”: Nuk ka konsultim publik

Nën akuzë për shpërdorim detyre, SPAK çon për gjykim ish-kryebashkiakun e Pogradecit

Scholz nga Procesi i Berlinit: Duhet dinamikë e re në normalizimin e marrëdhënieve Kosovë-Serbi

Ditari i Opozitës

Berisha komenton rezultatin e zgjedhjeve në Kukës

Politiko 26 Shtator 2023, 22:10

Berisha komenton rezultatin e zgjedhjeve në Kukës

Kryedemokrati Sali Berisha është shprehur se humbja e kandidatit të opozitës në zgjedhjet e pjesshme për kryebashkiak në Kukës erdhi pasi PS për një javë rresht shpërndau shuma të mëdha parash.

Gjatë një interviste në Syri TV, Berisha tha se Rama do të qëndrojë në pushtet për një kohë shumë të gjatë nëse shqiptarët nuk e largojnë.

Ai shtoi se opozita e fitoi Bashkinë e Shkodrës në 6 mars sepse atëherë grupi kriminal i Bajrave ishte në burg dhe sipas tij, Rama i liroi para këtyre zgjedhjeve.

“Kanë shpërdarë thasë me para një javë rresht. Dy mënyra ka, njëra është blerja e votës dhe marrin kartën që të mos votosh, mënyra e dytë të blen votën. Me Ramën unë garantoj çdo shqiptar që nuk do ketë zgjedhje.

Shkodrën e fituam në 6 mars sepse Bajrët në 6 mars ishin në burg. Ky i liroi nga burgu. Safet Bajri ishte në burg me Tahirin, i nxori ai të gjithë dhe ata vunë Shkodrën në terror, bashkë me Pëllumb Gjokën. Enver Bajri me 6 makina të blinduara kalon nga një qendër votimi te tjetra. Do i shfaqim, kemi filmime. Opozita në 14 maj votoi 600 mijë kundër kësaj qeverie. Rama vetëm me zarfin prej 50 mijë lekësh dërguar 600 mijë pensionistëve, blerje publike votash.

Bashkë me rritjen e rrogave ai preku mbi 800 mijë votues. Partia e Tom Doshit u rrit 240 % nga 2021 deri tani. Nëse ne nuk largojmë Ramën, të garantoj që edhe në 2045 ai po të jetë gjallë, në pushtet do të jetë”, është shprehur Berisha.

 

Të fundit