Flash News

Aksident i rëndë në Kroaci, humb jetën një shqiptar

Kontrollet në banesën e Veliajt, SPAK del me njoftim zyrtar

I kërkuan 20 mijë euro 36-vjeçarit, për të mos i publikuar video intime, arrestohen 3 të rinj në Tiranë

Partia e Lirisë proteston para SPAK-ut

Sherr mes vëllezërve në Vlorë, ndërhyn policia

Ditari i Opozitës

Berisha: Komuniteti ndërkombëtar duhet ta dorëzojë Vuçiçin në Hagë

Politiko 25 Shtator 2023, 12:47

Berisha: Komuniteti ndërkombëtar duhet ta dorëzojë

Kryedemokrati Sali Berisha gjatë një konference nga selia blu është shprehur se Partia Demokratike mbështet të drejtën e autoriteteve të Kosovës për mbrojtjen e integritetit territorial dhe sovranitetit të vendit.

Po ashtu Berisha shprehet se PD i bën thirrje komunitetit ndërkombëtar të dorëzojë sa më parë Aleksandër Vuçiçin në gjykatën e Hagës për pjesëmarrjen e tij thelbësore në gjenocid dhe krime shfarosëse ndaj njerëzimit.

"PD mbështet pa rezervë të drejtën e autoriteteve të Kosovës për mbrojtjen e integritetit territorial dhe sovranitetit të vendit.

Ajo përgëzon dhe përshëndet policinë e Kosovës për guximin, vendosmërin dhe trimërinë që dëshmoi, profesionalizmin e lartë në shtypjen e kryengritjes së armatosur.

PD u bën thirrje autoriteteve të Kosovës të bëjnë më të mirën që në bashkëpunim me partnerët ndërkombëtarë, të finalizojnë me dialog, marrëveshjen me Serbinë.

PD dënon me forcën më të madhe organizimin nga Beogradit të kryengritjes së armatosur në Kosovë.

Për PD-në, organizimi nga Beogradi i kryengritjes tregon qartë se Vuçiç është një Millosheviç i ri.

PD i bën thirrje komunitetit ndërkombëtar të dorëzojë sa më parë Aleksandër Vuçiçin në gjykatën e Hagës për pjesëmarrjen e tij thelbësore në gjenocid dhe krime shfarosëse ndaj njerëzimit të kryera nga Beogradi ndaj boshnjakëve dhe shqiptarëve pak vite më parë.

Dorëzimi i Millosheviçit të ri në Hagë, do ishte jo vetëm përmbushje e detyrimit ligjor dhe moral ndaj viktimave të pafajshme të gjenocidit dhe krimeve kundër njerëzimit, por edhe kushti i të gjitha kushteve për paqen dhe bashkëpunimin në rajon.

Me Aleksandër Vuçiç në Beograd, rajoni nuk do gjejë paqe, por vetëm konflikte dhe trazira."

Të fundit