Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Berisha: Rama qëndron në pushtet vetëm pse opozita nuk është ngritur fuqishëm, ja lëvizja që propozoj

Politiko 16 Shtator 2023, 14:24

Berisha: Rama qëndron në pushtet vetëm pse opozita nuk

Në asamblenë e mbledhur për të rikrijuar Shoqatën e të Zgjedhurve Vendorë, kryetari demokrat, Sali Berisha thotë se regjime si i Edi Ramës, kanë qëndruar në pushtet vetëm kur qytetarët nuk janë ngritur kundër tyre.

Sipas tij, Rama qëndron në pushtet vetëm pse opozita nuk është ngritur fuqishëm.

Berisha: Ne duhet të jemi të vendosur në misionin tonë, të bëjmë transparencë të plotë të kësaj qeverisje, e cila me aktet e saj, del jashtë çdo lloj imagjinate.

Ka një kryetar bashkie në Europë apo botë, që të mashtrojë qytetarët se ka mbjellë 1 milionë pemë? A ka një kryetar bashkie që të asgjesojë parlamentin, këshillin bashkiak dhe të firmosë për t’i akorduar 90 milionë euro, sipërmarrjes së tij de facto, kurse në letra, Zoto-Mërtiri. A ka një kryetar bashkie që ndërton shkolla me një çmim 8 deri në 10 herë mbi standardin evropian të ndërtimit të një shkolle? Prandaj dhe ai mburret me gjuhë ordineri se ka 60 mijë vota.

I ka të gjitha falsifikime. Ai nuk fiton kurrë. Nuk ka qytetar të vërtetë që voton një njeri si ky.

Unë po marr këtë, por Sako është po kaq mëkatare. Sakos po i largohen drejtorët se do i arrestohen drejtorët një nga një, derisa të shkojë bashkë me ta.

Duhet t’u bëjmë të qartë të gjitha shoqatave se cfarë përfaqëson pushteti i dalë nga rrethi vicioz, krimi shndërrohet në votë dhe vota në krim.

Sado i fortë të duket sot, aq i kalbur është në realitet. Regjime si regjimi i Edi Ramës, kanë qëndruar në pushtet vetëm kur qytetarët nuk janë ngritur kundër tyre.

Edhe sot Edi Rama qëndron në pushtet vetëm pse opozita nuk është ngritur fuqishëm dhe në mënyrë përfundimtare kundër tij.

Ai sot kontrollon çdo gjë, kontrollon çdo pushtet, kontrollon mediat në tërësi, kontrollon parlamentin, ka siguruar edhe një peng-opozitë aty. Por nuk kontrollon dot idealet e qytetarëve, nuk kontrollon dot zemërimin e qytetarëve.

Ndaj dhe ne duhet të bëhemi zëdhënës të tyre. Të bëhemi zëdhënës të tyre, në këtë betejë, idealistët do të fitojnë.

Të fundit