Blushi: Kuvendi po shndërrohet në 'noter' të urdhrave të Ramës

Kryetari i Grupit Parlamentar të Partisë së Lirisë, Tedi Blushi, në një prononcim për mediat deklaroi se mazhoranca ka kërkuar nga opozita të bëhet pjesë e paligjshmërisë, duke dhënë konsensus për një akt që sipas tij shkel Kushtetutën dhe Rregulloren e Kuvendit.

Ai theksoi se seanca e nesërme është thirrur në mënyrë arbitrare dhe se ndryshimet e paralajmëruara nuk janë vënë në dispozicion të grupeve parlamentare të opozitës.

Blushi u shpreh se Edi Rama po e shndërron Kuvendin në “noter” të vendimeve politike të tij, duke e nisur legjislaturën me shkelje të rënda procedurale.

Deklarata e Kryetarit të Grupit Parlamentar të Partisë së Lirisë, Z. Tedi Blushi:

Një propozim që morrëm nga Mazhoranca ishte të bëheshim pjesë e paligjshmërisë, e shkeljes së Kushtetutës.

Na u kërkua që të jepnim një konsensus për një akt, i cili në vetvete nuk është asgjë tjetër vecse shkelje me të dyja këmbët e Rregullores së Kuvendit.

U njoftuam se në mënyrë arbitrare nesër do të ketë seancë.

U njoftuam gjithashtu se kjo Mazhorancë është e vendosur që edhe këtë Legjislaturë ta nisë me këmbën e mbrapshtë dhe për më keq akoma, ta nisë me një shkelje flagrante të rregullores, të Kushtetutës, duke na servirur në fakt një model të pangjashëm dhe të pakrahasueshëm, sikundër ishte precedenti i Gjermanisë dhe i Bundestagut, kur dihet që standardet Demokratike nuk kanë asnjë lidhje, pra të vendit tonë me Gjermaninë dhe kur dihet që Kuvendi i Shqipërisë nuk mund të krahasohet me Bundestagun.

Është njësoj sikur të krahasosh natën me ditën dhe kur dihet po ashtu që Kryetari i shumicës në Republikën Federale Gjermane nuk është Edi Rama, i cili livë, sikundër edhe ju e keni përcjellë, nga tribuna e Asamblesë së Partisë Socialiste, që në fakt janë shndëruar në tribunat ku merren vendimet më të rëndësishme të shtetit, paralajmëroi atë ndryshim të rregullores që në mënyrë arbitrare Kryetari i ri i Kuvendit dhe Kryetari i Grupit Parlamentar, na bënë të ditur që do të kalojnë në seancën e nesërme Plenare.

Sigurisht që nuk do të bëhemi pjesë e kësaj paligjshmërie.

Janë të paktën 2 nene të rregullores së Kuvendit, e cila buron nga Kushtetuta e Republikës së Shqipërisë, që shkelen në mënyrë të qartë.

Kërkuam që qoftë edhe formalisht të respektohet rregullorja, të respektohet Kushtetuta, por sigurisht u ndodhëm përballë vendosmërisë së Kryetarit të ri të Parlamentit, të

Kryetarit të Grupit Parlamentar të “Rilindjes”, që janë të vendosur për të shkelur Kushtetutën me të dyja këmbët, duke kaluar në seancën e nesërme pikërisht ndryshimet e rregullores, kur qartësisht Kushtetuta, rregullorja më saktë, parashikon se ndryshimi i rregullores kërkon një afat të përcaktuar qartë prej të paktën dy javësh dhe në rast se do të kishim një nismë me procedurë të përshpejtuar, duhet të respektohet të paktën afati një javor.

As ky nen nuk gjeti konsensus, pra nuk po kërkojmë konsensus politik, po kërkojmë thjesht një konsensus të mbështetur mbi atë cfarë parashikon rregullorja e Kuvendittë Shqipërisë.

Pyetje: Z. Blushi, do e bojkotoni nesër seancën?

Përgjigje: Lidhur me cështjen e bojkotit ne i kemi shprehur  qartësisht qëndrimet tona.
Opozita është e vendosur për të shfrytëzuar cdo hapësirë që ka në dispozicion për të denoncuar këtë paligjshmëri, por sigurisht ne nuk do të rimë pa denoncuar edhe në këtë seancë faktin që edhe ky Kuvend po shndërohet në një noter të urdhrave që jepen nga Edi Rama në tribunën e Asamblesë së Partisë Socialiste.

Pyetje : Partia e Lirisë do drejtojë ndonjë Komision Parlamentar nga ato katër që i janë besuar Opozitës?

Përgjigje : Komisionet Parlamentare që do të drejtohen nga Opozita në drejtimin e tyre do të jenë deputetë të Partisë Demokratike, por nuk është ky thelbi i debatit.
Ajo cfarë duhet të dinë sot të gjithë Shqiptarët, është fakti që Kuvendi po nis me një shkelje flagrante të Kushtetutës dhe të rregullores, sepse nuk mund të mblidhemi në seancë ende pa u njoftuar, pra edhe ne si Grup Parlamentar i Partisë së Lirisë nuk jemi njohur, ashtu sikundër Grupi Parlamentar i Partisë Demokratike, me ndryshimet.
Pra ka vetëm një prononcim publik të Kryeministrit.

Pyetje: Pra nuk ju është vënë në dispozicion drafti?

Përgjigje : Jo, nuk na është vendosur  në dispozicion drafti, as sot në mbledhje.
Sot në mbledhje na u vendos në dispozicion vullneti i Kryetarit të Kuvendit dhe i Kryetarit të Grupit Parlamentar të Partisë Socialiste për të respektuar një urdhër politik të Edi Ramës, dhënë nga tribuna e Asamblesë së Partisë Socialiste, ku kemi parë gjithashtu urdhra edhe për rrëmbimin e Presidentit të Partisë së Lirisë.

Pyetje: Z. Blushi, nga ana konkrete, cfarë nuk ju pëlqen ju si Opozitë, cfarë kundërshtoni më së shumti?

Përgjigje: Ajo cfarë kundërshtojmë ne në thelb është fakti që Edi Rama kërkon ta trajtojë Kuvendin si “noter” të vendimeve të tij të paligjshme.
Ky është thelbi i gjithë qëndrimit tonë.