Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Bylykbashi: Të rikthehet ligji për lustracionin i 2008-ës. Felaj e kundërshton. Diskutimet për hapjen e dosjeve

Politiko 21 Shtator 2022, 13:44

Bylykbashi: Të rikthehet ligji për lustracionin i 2008-ës. Felaj

Në Komisionin e Ligjeve ka pasur qëndrime të ndryshme për haojen e dosjeve. Deputeti demokrat Oerd Bylykbashi tha se projekligjet e propozuara nga Enkelejd Alibeaj dhe PS për hapjen e dosjeve të komunizmit janë hipokrizi.

Ai propozoi që të rikthehet ligji për lustracionin i vitit 2008 dhe jo të bëhen arnime ligjore të kota. Më tej shtoi se ligji duhet të detyrojë që të gjithë funksionarët e aparatit shtetëror dhe politik të regjimit të largohen nga administrata apo çfarëdo funksioni që mbajnë sot.

“Nëse na dëgjojnë ata që sot janë në varr, sot ata rrotullohen nga ftohtësia e hipokrizisë suaj. Ata sot se e kuptojnë që mund të ketë vdekur kot fare, se dikur edhe kanë qenë me atë bindjen se kanë qenë kundër një regjimi, tani ju trashigimtarët e atij regjimi thoni që e gjitha ka qenë kot, pasi ju kurrë nuk keni guxuar të bëni një meakulpa.

Po e them që në fillim çfarë mendoj unë, ne duhet të kthejmë ligjin e vitit 2008 për lustracionin. Kjo gjë o bëhet mirë ose për ta bërë pis dhe llumë nuk bëhet. Unë mendoj se dhe duhen dënuar anëtarët e skuadrave të pushkatimit”, tha Bylykbashi.

Edhe deputetja e Partisë së Lirisë, Erisa Xhixho kundërshtoi propozimin e socialistëve dhe Alibeajt. Ajo e konsideroi nismën një mjet shantazhi të qeverisë për kundërshtarët politikë.

“Sot diskutojmë për një akt që na është vënë para në këtë tryezë për turpin e mazhorancës, e iniciuar nga një procedurë e paligjshme e këtij autoriteti të vënë në lëvizje nga një email anonim, e gjithë ky ligj, se jemi para një alibie në fakt, një alibi për gjithë veprimet skandaloze, shantazuese të Autoritetit të Dosjeve”, u shpreh deputetja.

Ndëtsa socialistja, Ermonela Felaj kundërshtoi Bylykbashin,

“Ju na ftoni që ne të mendojmë me mendjen e 15 viteve më parë dhe me mendjen e dikujt tjetër. Sa për ligjin e lustracionit, ligjvënësi e ka marrë vendimet, gjykata Kushtetuese e ka rrëzuar në 2008. Sot është koha për një diskutim nga premisa të reja.

S’ka arsye që dikush të mbrohet me ato certifikata, kjo gjë që po kërkojmë mund të prekë ato që janë mbrojtur me certifikata të pastërtisë nuk e di në ç’rrugë janë marrë. Këtu s’ka vend për hipokrizi as për të thënë që po preken të persekutuarit se për hir të respektit të atyre që kanë humbur jetën e janë gjallë s’duhet të lejojmë pengesa të tilla artificiale në ligj. Nuk mendojmë dot me mendjen e 15 viteve më parë’”, deklaroi Felaj.