Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

“Deformime të mëdha dhe në opozitë”, Berisha: Rama hoqi votën për kryetarët e degëve të PS

Politiko 9 Tetor 2022, 11:14

“Deformime të mëdha dhe në opozitë”, Berisha:

Sali Berisha ka deklaruar se pas një vit përpjekjesh, PD ka shënuar arritje të rëndësishme për shqiptarët.

Ai ka evidentuar vendosjen e votës dhe vullnetin e anëtarëve si përcaktuese për drejtuesit lokalë dhe qendrorë të PD-së.

Sipas tij, vota ishte bërë e pavlefshme. Kryedemokrati u shpreh se Edi Rama hoqi votën për kryetarët e degëve të PS-së dhe riktheu modelin tipik të Enver Hoxhës.

“Kemi vendosur votën si dhe vullnetin e anëtarëve tanë si përcaktuese për drejtuesit lokalë dhe qendrorë të PD-së. Në këto vite, ju jeni dëshmitarë që ajo u shkatërrua në mënyrën më katastrofale, është vota.

Vota në shoqërinë shqiptare e dhunuar nga qeveria, e cila në çdo fushatë elektorale paraqitej si shtet elektoral. Si shtet elektoral! Paraqitej me banda, me para droge, krimi në blerje votash.

Por dua ta pranoj në mënyrë të padiskutueshme, vota u ndrydh dhe pësoi deformime të mëdha dhe në opozitë. Sot Partia Socialiste nuk voton më për asnjë të zgjedhur të saj.

Më së fundi Edi Rama hoqi votën për kryetarët e degëve të PS-së dhe riktheu absolutisht modelin tipik të Enver Hoxhës, në cilin ishin Sekretari i Parë i Komitetit Qendror dhe Byroja ata që emëronin kryetarët e Partisë së Punës në rrethe. Por këto qëndrime ndaj votës ndikuan në partinë tonë, në mënyrë të pamohueshme.

Ne vendosëm primaret për zgjedhjen e qeveritarëve vendore. Në standardet më të mira ata do të zgjidhen nga anëtarët dhe mbështetësit tanë dhe i japim fund kryetaro-kracisë si një rrugë e sigurt për të shmangur autokracinë në parti dhe vend në të ardhmen”, tha Berisha.

 

Të fundit