Denoncimi i PD: 68 punonjësit po lënë punën, shkak shkelja e kontratës nga Albkontroll me urdhër të Ballukut

Partia Demokratike denoncon se 68 punonjësit po lënë punën, për shkak të shkeljes së kontratës nga Albkontrolli.

Sipas ish deputetit Endri Hasa, me urdhër politik të ministres së Infrastrukturës Belindja Balluku, situata në kullën e kontrollit nuk përmbush standardet dhe rrezikon sigurinë kombëtare.

“Papërgjegjshmëria e Belinda Ballukut ka degraduar situatën me punonjësit e kontrollit ajror.

68 punonjësit po lënë punën, për shkak të shkeljes së kontratës nga Albkontrolli.

Me urdhër politik të Ballukut, sot situata në kullën e kontrollit nuk përmbush standardet dhe rrezikon sigurinë kombëtare.

Gjendja e krijuar është përgjegjësi direkte e Belinda Ballukut dhe bandës në pushtet. Nga njëra anë vjedhin edhe tek tenderat e ushqimit, nga ana tjetër nuk paguajnë për të garantuar standardet e sigurisë.

Politizimi i çdo sektori është rrezik për vendin. Këtë duhet ta ndryshojmë me votë për t’u lënë vend profesionistëve. Partia Demokratike do të vendosë standarte europiane edhe në Aviacionin Civil”, thote Hasa.