Denoncimi i PD-së: Paulin Sterkaj po blen votat e 350 të burgosurve në Reç

Dega e Partisë Demokratike në Shkodër akuzon kandidatin e PS-së, Paulin Sterkaj për blerje votash. Sipas PD-së në Shkodër, Paulin Sterkaj po ble votat e 350 të burgosurve në burgun e sigurisë së lartë në Reç, me ndihmën e Ylli Sterkajt, i cili është administrator i një minimarketi në ambientet e brendshme të këtij burgu.

Deklaratë e Partisë Demokratike, Shkodër: 

Bandën në ikje e ka kapur paniku i humbjes së thellë dhe përballjen me drejtësinë pas 25 Prillit, prandaj po mundohen me çdo formë të ndryshojnë rezultatin e zgjedhjeve. Por nuk do ia dalin.

Skemat e shitblerjes së votës të inspiruara nga Edi Rama dhe të ekzekutuara nga segmente kriminale do të përballen me forcen e ligjit pas 25 Prillit.

I bëjmë thirrje Policisë së Shtetit, të mos bëhët palë me krimin elektoral, por të rreshtohet në krah të interesave të qytetarit. Kurrë nuk është vonë.

Partia Demokratike Dega Shkodër ka informacione për shitblerjen e votës dhe presionin ndaj administratës shtetërore nga ana e kësaj strukture kriminale.

Konkretisht. Sipas një informacioni mësohet se:

Në ambjentet e brendshme te I. E. V. P. Reç në rrethin M. Madhe, ndodhet nje minimarket, lokal, në administrimin shtetasi Ylli Sterkaj, i cili në bashkëpunim edhe me drejtuesit e kësaj I. E. V. P-je janë përfshirë në aktivitetin e blerjes se votës. Konkretisht të lartëpërmendurit po shpërndajnë vlera monetare “lek” me qëllim blerjen e votave ne favor të kandidatit te PS. Paulin Sterkaj.

Nga të dhenat mësojmë se numri i personave që vuajnë dënimet në këtë I. E. V. P. është rreth 350 te burgosur.

Nuk ka bandë qe minos demokracinë.

Nuk ka bande qe do e deformojë vullnetin e qytetarëve me 25 Prill.

Partia Demokratike është dhe do të jetë në krah të qytetarëve për të mbrojtur një proçes të rregullt dhe të ndershëm zgjedhor.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm