Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

Drejtësia e re si në kohën e Teme Sejkos

Politiko 22 Nëntor 2023, 15:48

Nga Abi Malltezi

Landi ishte nje njeri i mire dhe punetor tek qendra e paraburgimit 313. Kishte 21 muaj ne burg dhe nuk dinte ende se sa muaj apo vite te tjera do e mbanin ne burg. Ndihmonte ndonje t’i sillnin racionin e ushqimit ne emer te tij meqe nuk kish njerez qe ta vizitonin nga Tepelena. Landi ish nga nje fshat i Tepelenes dhe jetonte ne kushte te veshtira. Gruaja e kish lene dhe rriste vajzen e tij 4 vjecare me mundim e skamje. Deri nje dite kur ne shtepine e tij i erdhi nje furgon me police dhe e arrestuan si pjese e grupit te strukturuar kriminal me nja 50 veta per kanabis. Landi thote se ai qe erdhi e arrestoi ishte shefi I krimeve qe njihej ne gjithe Tepelenen si rojtari me I madh I gjithe parcelave te hashashit ne kohen 2016-2017.

E moren se gjoja do firmoste nje shkrese dhe e sollen direkt ne Tirane a thua se ishte krimineli me i madh I hashashit ne Shqiperi. Ju tha policeve qe kish vajzen 4 vjecare per te cilen nuk kish kush te perkujdesej se gruaja e kish lene dhe i ftoi ne shtepi policet te shihnin kushtet mjerane por e moren se “i dime ne ato pune”. Landi thosh se mendonte se e gjitha ishte nje keqkuptim dhe se kur te shihte prokurori se nuk njihte asnje dhe nuk kish lidhje me trafiqet do e lironte brenda 2 ditesh te kthehej ne shtepi ku e priste vajza e vogel qe mbeti me gjysherit. Por prokurori i beri mbi 50 persona si grup I strukturuar kriminal se I duheshin sa me shume per efekt statistike, packa se shumica as nuk njiheshin me njeri-tjetrin. Me kujtuan historine e atij qe e akuzonin se ishte pjese e grupit armiqesor te Teme Sejkos dhe i ngrati iu pergjigj “po ju lutem me thoni nese Temja eshte grua apo burre”.

Keshtu Landi njohu ne paraburgim shume prej atyre qe i kish rene per hise t’i kish ne grupin e strukturuar kriminal. Landi i varfer nuk kish para te paguante avokat ndaj gjyqtarja e shkarkuar per korrupsion Irena Gjoka i caktoi nje akovat nga shteti nga ato qe i gjen ajo. Irena Gjoka si notere e prokurorit i la ne burg te gjithe dhe per shume jave as nuk ju zbardhi vendimin ndonese sipas ligjit duhej t’a zbardhte per 2 dite qe te mund t’a ankimonin. Avokati I Landit – i caktuar nga Irena – natyrisht qe nuk e coi ne gjyq te kerkonte shuarjen e mases per paligjshmerine e Irenes qe i duket vetja mbi ligjin se helbete i kane thene se eshte kryetare e gjykates se drejtesise se re.

Landi beson se kjo ceshtje ishte stisur per te fshehur kokat e verteta te trafikut duke bere disa koka turku vetem per statistike. Prokurori i SPAK ende nuk ka sqaruar se cilet jane saktesisht pjesetaret e grupit te struktutuar dhe rolet e secilit ne kete histori. Kjo kerkohet sipas ligjit por drejtesia e re e ka ligjin nje teknikalitet te parendesishem. Ajo qe eshte edhe me e rende eshte qe 7 gjyqtare te GJKKO kane dhene doreheqje nga kjo ceshtje kaq pa fakte. Mbetur pa gjykates, tani po marrin gjykates nga rrethet per te qene pjese e gjykimit gje per te cilin Landi mendon se eshte e kundraligjshme. Ai mendon se kur prokuroret e SPAK i bejne presion e i perdorin per notere gjyqtaret e GJKKO, keta gjyqtaret e rretheve I kercenojne edhe me lehte. Landi ende nuk ka nje akuze te sqaruar se cfare roli paska luajtur ne grupin hipotetik qe ka bere miljona euro droge, por qe Landi nuk kish para as per te paguar avokatin e vet dhe punonte ne burg. Nderkaq vajza i eshte bere 6 vjec dhe mezi pret te flase ne telefon, ndersa i ati nuk i thote dot as ne cfare faze eshte gjyqi.

Landi pret drejtesi dhe syte i mbushen me lot kur flet per vajzen. Por kjo drejtesia e re qenka goxha e shtrenjte, e fokusuar me shume tek statistikat sesa tek faktet, dhe qe e ka mbajtur 21 muaj ne paraburgim pa filluar ende seancat. Dhe Landi ndihet si personazhi i Kafkes qe pret tek Porta e Ligjit. Dhe degjon ne lajme se Drejtesia e re po vepron dhe se eshte sukses i madh. Vec Landi dhe vajza e tij 6 vjecare nuk kuptojne sukses per ke.

*Marrë nga “FB” i autorit, titulli origjinal: Landi nga nje fshat i Tepelenes perballe “Drejtesise se Re”