Duka: Fushata s'ka qenë e egër, rezultati në Durrës del 8-6

Agron Duka

Kreu i partisë Agrare Ambientaliste Agron Duka foli për fushatën elektorale, të cilën e konsideroi të qetë dhe jo të egër, sikurse ndodh shpesh në Durrës theksoi ai. Sipas Dukës, në Durrës ka elementë, të cilët duan të favorizojnë PS-në.

“Fushata ka qenë e qetë, edhe për shkak të pandemisë nuk kishte takime me numër të madh njerëzish. E lodhshme natyrisht, sepse kemi zhvilluar takime me grupe të vogla. Ambienti s’ka qenë i egër, siç jemi mësuar të shohim në Durrës. Aty-këtu ka elementë që duan të favorizojnë, sidomos Rilindjen”, tha Duka.

I bindur për fitoren e opozitës së bashkuar, Duka i cili renditet i dyti në listën e Durrësit, tha në "Koha për t'u zgjuar" se PD-AN fiton 8 mandate në këtë qark. Ai thekson si shumë të rëndësishme rotacionin politik.

“Unë mendoj se fiton opozita. Opozita fiton bindshëm, problemi është tek numrat. Durrësi do të dalë 8 me 6, ndërsa ka nga ata që do dalë në Durrës 9 me 5 dhe unë iu them mirë do ishte edhe 9 me 5. Duhet rotacion pushteti, që të ikim nga anormaliteti politik, që të votojmë numrin 9, PD dhe Aleanca për Ndryshim. Pjesëmarrja masive jep verdikt të konsoliduar”, tha Duka.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm