Emri Vata reagon pas zgjedhjeve në Kukës: Vetëm në pushtetin e Edi Ramës skandalet nuk reflektohen në rezultat

Kanidati i koalicionit opozitar “Bashkë Fitojmë” në zgjedhjet e pjesshme për Bashkinë e Kukësit, Emri Vata ka reaguar pas publikimit të rezultatitpërfundimtar.

Në një reagim në Facebook, Vata falënderon demokratët që e votuan, teksa thekson se skandalet politike e morale në qeverinë Rama, nukreflektohen në rezultat.

Vata tha sepatronazhistët dhe të ashtuquajturit super-ministra, bënë punën e vetë me thasët me para.  Ai shton se rezultati i zgjedhjeve, me gjithë deformimet, presionin, shitblerjet e votës, krimin shtetëror duhen lexuar me kujdes.

Postimi:

Të dashur miq, të dashur bashkëpunëtorë, të dashur demokratë, të dashur kuksianë!

Dua të falenderoj, së pari strukturën e Partisë Demokratike në Kukës dhe familjet e tyre për qëndresën dhe mbështetjen në këtë sfidë të pabarabartë në shumë drejtime.

Demokratëve që më dhanë besim duke më votuar, u jam përherë mirënjohës.

Miqve që më mbështetën vazhdoj të jem borxhli dhe mirënjohës.

Përsëritja e asaj që të gjithë bashkë e kemi parë me sy është e panevojshme. Dua të theksoj se vetëm në pushtetin e Edi Ramës skandalet politike, morale dhe shoqërore nuk reflektohen në rezultat, por e thell ojnë atë në favor të shkelësve.

Patronazhistët dhe super-ministrat ishin në Kukës me torbën plot, të lekëve dhe premtimeve, por tabloja e Kukësit të zbrazur në 10 vitet e pushtetit të tyre flet pa pasë nevojë për dorëzanë.

Rezultati i zgjedhjeve, me gjithë deformimet, presionin, shitblerjet e votës, krimin shtetëror duhet lexuar me kujdes.

Ne sot mbyllëm një fushatë, por jo misionin tonë që në Kukës dhe në gjithë Shqipërinë të kthejmë zgjedhjet e lira.

Uroj që vota e çdo qytetari Kukësian , të mos shpërdorohet.

Pa zgjedhje të lira nuk ka zgjidhje.

Miqësisht,

Emri VATA