Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Sulmet e Ramës ndaj gjyqtarëve, reagon Bardhi: KLGJ nuk është në lartësinë e detyrës kushtetuese

Politiko 20 Shtator 2025, 19:58

Sulmet e Ramës ndaj gjyqtarëve, reagon Bardhi: KLGJ nuk

Kryetari i Grupit Parlamentar të Partisë Demokratike, Gazment Bardhi, ka reaguar pas deklaratave të kryeministrit Edi Rama për gjyqtarët dhe prokurorët.

Bardhi e cilëson si hipokrizi deklaratën e Ramës para stafit të Ministrisë së Drejtësisë se “duhet të mbajmë duart larg vendimmarrjes së gjyqtarëve dhe prokurorëve”, ndërkohë që, sipas tij, kryeministri ka sulmuar pa ndërprerje magjistratë dhe prokurorë që i kanë vënë fre abuzimeve të qeverisë.

“Sulmi i fundit i Ramës ishte ndaj magjistratit të ri Marko Boshku, i njohur për profesionalizmin dhe integritetin e tij. Për Ramën gjyqtarë të mirë janë vetëm ata që zbatojnë urdhrat e tij apo që përndjekin politikisht opozitën”, shkruan Bardhi.

Ai akuzon kryeministrin për tentativë të hapur për të kontrolluar pushtetin gjyqësor dhe për uzurpimin e pronave private në funksion të interesave të oligarkëve.

Në reagimin e tij, Bardhi përshëndet qëndrimin e gjyqtarëve të Tiranës, Durrësit, Kukësit dhe Shoqatës së Gjyqtarëve që denoncuan publikisht sulmet ndaj gjyqtarit Boshku, por kritikon ashpër Këshillin e Lartë Gjyqësor (KLGJ).

REAGIM I KRYETARIT TË GRUPIT PARLAMENTAR TË PD, GAZMENT BARDHI

Edi Rama paska deklaruar para stafit të Ministrisë së Drejtësisë se "duhet t'i mbajmë duart larg vendimmarrjes së gjyqtarëve dhe prokurorëve". Të pranishmit mbetën jo pak të habitur nga kjo hipokrizi e kryeministrit teksa muajin e fundit ka sulmuar pandalur prokurorë rrethesh dhe gjyqtarë të Gjykatës Administrative që me integritet profesional dhe kurajo qytetare i vënë fre abuzimit dhe arbitraritetit të paligjshmërisë së Edi Ramës dhe vartësve të tij.

I fundit në rradhën e sulmeve të përroit psikik të Edi Ramës ishte magjistrati i ri Marko Boshku, për të cilin në sistem ka vetëm fjalë të mira për punën dhe profesionalizmin e tij. Por, për Edi Ramën, njeriun që i ka vënë vetes objektiv të ketë nën kontroll të plotë të gjitha pushtetet, gjyqtarë dhe prokurorë të mirë janë vetëm ata që i binden urdhërave dhe kërcënimeve të tij me telefon apo ata që përndjekin politikisht liderët e opozitës.

Autokrati i Tiranës nuk arrin dot ta kuptojë se si mund të ketë akoma njerëz të ndershëm dhe me integritet në këtë vend që ia përplasin në fytyrë paçavuret e tij të paligjshme dhe korruptive, siç ishte rasti i uzurpimit të një prone private për gjoja qëllimin e shpallur të transferimit të stafit të Agjencisë Shtetërore të Kadastrës, kur në fakt qëllimi i vërtetë ishte prishja e godinës së Kadastrës pranë liqenit për t'i hapur rrugë një kulle shumëkatëshe për oligarkët e tij. 

Ndërkohë që reagimi i gjyqtarëve të Tiranës, Durrësit, Kukësit dhe Shoqatës së Gjyqtarëve kundër sulmeve të kryeministrit ndaj gjyqtarit Boshku meriton respekt si provë e qartë e refuzimit për t'u nënshtruar para sulmeve të tilla, heshtja e qeverisë së gjyqësorit, Këshillit të Lartë Gjyqësor duhet të bëjë me turp secilin prej 11 anëtarëve të asaj trupe, 6 prej të cilëve gjyqtarë dhe kolegë të Marko Boshkut.

Për fat të keq, KLGJ-ja dëshmon edhe njëherë se nuk është në lartësinë e detyrës së saj kushtetuese për të garantuar pavarësinë e sistemit gjyqësor. Nëse kanë filluar që tani të mendojnë për vendin e tyre të punës pas përfundimit të detyrës do të thotë që nuk ka qenë asnjëherë të denjë për atë detyrë të nderuar që iu është besuar. Historia e shkurtër e vetë atij institucioni ka dëshmuar se ata që vendosin të nënshtrohen e konformohen para pushtetit, enden rrugëve duke u lutur pas dyerve të institucioneve për një vend pune.

Të fundit