Flash News

Zbardhet letra që Biden i la Trump në zyrën ovale: Amerikanët kërkojnë qëndrueshmëri

Aksion në veri të Mitrovicës, gjenden armë dhe pajisje për kriptovaluta

Në kërkim për masakrën e Dobraçit, vetëdorëzohen në polici Izmir Sakica dhe Samuel Troshani

Vrasja e Kristjan Markut, dyshime se autorët janë larguar drejt Kosovës

I zhdukur prej 4 ditësh, gjendet i mbytur në lumin e Shalës Edison Oruqi

Ditari i Opozitës

"Fajin e kanë rrjetet sociale, prindërit", Bardhi për deklaratat e Ramës: I paaftë të justifikojë pse ka degraduar arsimi

Politiko 30 Nëntor 2024, 15:41

"Fajin e kanë rrjetet sociale, prindërit", Bardhi për

Kryetari i grupit parlamentar në Partinë Demokratike Gazment Bardhi reagoi lidhur me fushatën e këshillimit të Kryeministrit Edi Rama me komunitetin e prindërve për kufizimin e rrjeteve sociale, kryesisht Tik Tok.

Në një postim në rrjetet sociale, Bardhi shkruan se Rama dhe qeveria e tij janë përgjegjës për cilësinë e arsimit. Sipas tij, duke qenë i paaftë për të ushtruar përgjegjësitë e tij e të justifikojë pse ka degraduar arsimi gjatë 12 viteve të qeverisjes së tij, Edi Rama ka zgjedhur t’u thotë shqiptarëve se fajin e kanë rrjetet sociale, apo prindërit. 

Reagimi:

Edi Rama nuk është as menaxher dhe as përgjegjës për Tik-Tok dhe rrjetet sociale! Pretendon se është Kryeministër, por sillet si psikolog, sepse i kanë shteruar idetë dhe pas ngjarjes së rëndë në Shkollën “Fan Noli” nuk i shërben dot as propaganda bajate.


Si Kryeministër, Edi Rama dhe qeveria e tij janë përgjegjës për cilësinë e arsimit, janë përgjegjës për përmbushjen nga shkolla të rolit edukativ mbi fëmijët, janë përgjegjës për bashkëveprimin mes shkollës dhe familjes në mirërritjen e fëmijëve, janë përgjegjës për përgjegjshmërinë e mësuesve, janë përgjegjës për sigurinë në shkolla. Qartësisht ka dështuar në të gjitha përgjegjësitë e mësipërme. Prandaj flet për gjithçka, përveç përgjegjësive të tij!
Duke qenë i paaftë për të ushtruar përgjegjësitë e tij, duke qenë i paaftë të justifikojë pse ka degraduar arsimi gjatë 12 viteve të qeverisjes së tij, Edi Rama me nje strategji të dalë boje, ka zgjedhur t’u thotë shqiptarëve se fajin e kanë rrjetet sociale, fajin e kanë telefonat, fajin e kanë prindërit, faji është jetim.
E vërteta është se degradimi i arsimit është përgjegjësi e keqqeverisjes së Edi Ramës. Faji është vetëm i tij dhe qeverisë së tij. Justifikimet pa sens dhe faji pa adresë tregojnë vetëm faktin se Edi Rama është dorëzuar, dhe familjet shqiptare janë lënë vetëm nga qeveria në betejën e vështirë të mirërritjes së fëmijëve.
Në vend të kontributit në këtë drejtim, Edi Rama është i vetmi përgjegjës që në 12 vite i ofrojë fëmijëve dhe të rinjve modelin e trafikantit dhe vrasësit si deputet, modelin e gangsterit e kriminelit si kryetar bashkie, apo modelin e hajdutit si ministër. Edi Rama është përgjegjës që në 12 vite i ofrojë fëmijëve dhe të rinjve modelin e pasurimit të shpejtë përmes përfshirjes në krim të organizuar, dhe respektit jo ndaj intelektualit por ndaj kriminelit, pasurimit jo përmes dijes por përmes krimit.
Koha për të larguar përgjegjësin dhe për të rikthyer shpresën për një arsim më cilësor dhe për shkollat si faktorin kyç bashkë me familjen në edukimin dhe mirërritjen e fëmijëve.

Të fundit