Fati i saj në dorë të Kryemadhit, reagon për herë të parë Keidi Mehmetaj: Rama nuk i fitoi zgjedhjet

Kandidatja për deputete e LSI-së në Qarkun e Fierit, Keidi Mehmetaj ka reaguar për herë të parë pas disfatës së LSI-së në zgjedhjet parlamentare.

Ajo mund të jetë deputete në Kuvendin e ri, por "fati" i saj është në dorë të Monika Kryemadhit, e cila duhet të zgjedhë mes saj dhe Petrit Vasilit, pasi varet se ku do ta pranojë mandatin e deputetit në Tiranë apo Fier, pasi garonte në të dy qarqet.

Përmes një postimi në rrjetet sociale, Mehmetaj falenderon qytetarët, teksa zgjedhjet e 25 prillit i konsideron si "masakër zgjedhore". Kandidatja e LSI-së shkruan se në fushatë u përball me bandidë, blerje të votës, kërcënime dhe presione.

Ajo nuk i njeh zgjedhjet pasi shkruan se Edi Rama nuk i fitoi ato, teksa shton se beteja do të vazhdojë.

Reagimi i plotë i Mehmetajt:

Falenderime e reflektim!

Si drejtuese politike e qarkut të Fierit falenderoj me zemër, një e nga një, të gjithë votuesit e LSI në këtë qark, ata 12312 qytetarë vota e të cilëve u lexua drejt por edhe ata mijëra të tjerë, vota e të cilëve doli e pavlefshme si rrjedhojë e mungesës së informacionit. Falenderoj strukturat e LSI në të gjithë bashkitë e qarkut, në çdo rajon e komunë. Edhe pse nën presion e kërcënim ju ja dolët ???????? Falenderoj ekipin e kandidatëve për deputetë, ekipin e të rinjve e të rejave, grave e burrave, të cilët me fushatën e tyre model u përpoqën të tregojnë se politika nuk duhet bërë me banda e me para, por me ide e alternativë.

Falenderoj çdo familje që na ka hapur derën, nga Divjaka e deri në Mallakastër. Edhe pse disa prej jush u kërcënuan apo u blenë, unë sërish ju jam mirënjohëse e nga çdo pozicion që do kem në të ardhmen do të luftoj për hallet e problemet që më keni treguar.

Kjo nuk qe një fushatë e thjeshtë! Ditë pas dite ne u përballëm me institucione që përdoreshin si pronë private nga banda në pushtet; U përballëm me banditë; U përballëm me blerjen e votës; U përballëm me kërcënime e presione. Megjithatë në asnjë moment nuk u ndalëm e nuk do të ndalemi as në vazhdim.

Ne kemi marrë përsipër një detyrë, ta bëjmë Shqipërinë shtëpinë e të rinjve, e derisa ta realizojmë detyrën tonë puna vazhdon ????????

Jam e keqardhur kur shoh se si masakra zgjedhore i dha sërish mandat deputeti disa banditëve apo disa xhaketave të vjetra që për më shumë se 30 vite vazhdojnë tu pijnë gjakun Shqiptarëve, ama nga ana tjetër jam e lumtur që përgjatë këtyre viteve gjeta plot shokë e shoqe të gatshëm për të luftuar për të ardhmen e vendit të tyre!

Edi Rama nuk i fitoi zgjedhjet! Beteja jonë vazhdon…