Fotolajm/ Kryesia e PD mblidhet për herë të parë pas zgjedhjeve, rikthehet Salianji, Spahia me paterica

Partia Demokratike po zhvillon  sot mbledhjen e parë të Kryesisë pas zgjedhjeve të 11 majit.

Në takim janë duke marrë  pjesë deputetë dhe ish-deputetë të opozitës, mes tyre edhe Ervin Salianji, i cili u shfaq për herë të parë pas lirimit nga burgu.

Në sallë është i pranishëm edhe Bardh Spahia, i cili u shfaq me paterica për shkak të një incidenti që i ndodhi disa ditë më parë.

Në fotot e mbledhjes dallohen gjithashtu deputetë si Agron Gjekmarkaj, Gazment Bardhi, Jorida Tabaku, Ina Zhupa, Edi Paloka, Belind Këlliçi, Luçiano Boçi e të tjerë.

Kryesia e PD-së pritet të diskutojë mbi qëndrimin e opozitës pas rezultatit të zgjedhjeve, si dhe zhvillimet më të fundit politike në vend.

Pas fjalës së kryedemokratit Sali Berisha, mbledhja do të vijojë me dyer të mbyllura.

Më herët, drejtues të PD-së kanë bërë të ditur se forumet e partisë, si Kryesia dhe Këshilli Kombëtar, do të jenë instancat që do të vendosin për vijueshmërinë e aksionit opozitar.