Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

"Gërdeci", Mediu pas dëshmisë në GJKKO: Shkëlzeni s'ka lidhje me procesin, të thirren dëshmitarët

Politiko 27 Dhjetor 2023, 10:40

"Gërdeci", Mediu pas dëshmisë në GJKKO:

Ish-minsitri i Mbrojtjes, Famir Mediu ka përfunduar dëshminë e tij në GJKKO lidhur me çështjen "Gërdeci".

Mediu i bëri thirrje dëshmitarëve të flasin të vërtetën ashtu siç është. Ai tha se ka kërkuar të thirren edhe disa ministra dhe të dëshmojnë për çështjen.

“Eshtë e domosdoshme të thirren dëshmitarët. Edhe ata që nuk ndodhen brenda vendit ka mënyra për të dëshmuar. Bëj thirrje në emër të të vërtetës që gjithsecili të flasë dhe të tregojë të vërtetën siç është. Duhet të rithirren personalitetet ushtarake. Duhet të thirren edhe ministrat që kam kërkuar të thirren. Përndryshe do të ecim me konceptin e vjetër që ushtria është partia”, tha Mediu.

I pyetur për thirrjen e Shkëlzen Berishës si dëshmitar, Mediu tha se ai nuk ka lidhje me procesin.

"Ai nuk ka asnjë lidhje me mua në këtë proces. Në qoftë se do kishte, kishte mënyrë tjetër procedimi. Dy dëshmitarë nuk pranuan të dëshmojnë. Mendoni se të gjithë të tjerët do mbajnë të njëjtin qëndrim?
Kam vlerësim maksimal për punonjësit e Ministrisë së Mbrojtjes. E kërkova edhe në gjykatë që deklarimet që kanë bërë në gjykatë të konsiderohen dhe e vërteta të provohet përmes dëshmive të tyre. është në interesin e tyre që të deklarojnë qëndrimin e tyre përpara kësaj gjykate", deklaroi Mediu.

Të fundit