Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Gjoba 110 mln euro për Becchett-in, Basha: Po konsultohemi me juristë, faturën ta paguajnë ata që shkaktuan dëmin

Politiko 5 Prill 2021, 22:43

Gjoba 110 mln euro për Becchett-in, Basha: Po konsultohemi me juristë,

Kreu i PD, Lulzim Basha është pyetur nëse do ta paguaj gjobën 110 milion euro për biznesmenin Francesko Beketin me paratë e taksapaguesve shqiptarë nëse vjen në pushtet.

I ftuar në syri tv, Basha tha se kanë nisur konsultimet me juristë të njohur ndërkombëtarë, për të bërë atë që njihet në terminologjinë juridike si kalimi i përgjegjësisë financiare për një dëm të shkaktuar interesit publik si përgjegjësi individuale.

Pjesë nga intervista:

Bledian Koka: Në Shtator kur të merrni detyrën nëse ju do të fitoni zgjedhjet e 25 Prillit në tryezën tuaj do të gjeni ndër të tjera edhe një vendim të ICID-it që e detyron qeverinë shqiptare të paguajë mos gabohem 110 milion euro për biznesmenin Francesko Beketi, a do ta paguani ju këtë gjobë me taksat dhe paratë dhe paratë e taksapaguesve shqiptarë?

Lulzim Basha: Një nga masat që do të marrim në kuadër të korrigjimit të padrejtësive të këtyre 8 viteve do të jetë përgjegjësia personale pra përgjigja me pasuritë personale të atyre që i kanë shkaktuar dëme të kundërligjshme shtetit shqiptar me vetëdije dhe rasti i Beketi-t është fare i qartë. Një media ka zbuluar një pjesë të vendimit që më thonë është maja e ajsbergut ku përfaqësuesi i Edi Ramës ulet me Beketin dhe i thotë ndrysho linjën editoriale që të të lëmë të qetë dhe kjo është një vepër penale, natyrisht, nëse prokuroria shqiptare do të kishte duart e lira sot sekretari i përgjithshëm do të ishte i pandehur ndoshta dhe i arrestuar.

Gazetari: Ëngjëll Agaçi?

Lulzim Basha: Ëngjëll Agaçi. Absolutisht po. Sot ndoshta dhe vetë kryeministri do ishte marrë i pandehur, siç janë marrë shumë nga kryeministrat, edhe presidentë të pandehur edhe në kohë fushate. Një nga vlerat e shtuara të 25 Prillit është që do t’i japë fund kulturës të pandëshkueshmërisë, gjyqtarëve dhe prokurorëve që në vend ti ndëshkojnë, kriminelët

Bledian Koka: Pse do të fusni duart te drejtësia zoti Basha që do ti detyroni ti dënojnë ata?

Lulzim Basha: kriminelët dhe politikanët e korruptuar, i mbrojnë ata. Politika duhet të bëjë që drejtësia të funksionojë, është të mbajë duart larg nga drejtësia dhe të lejojë që drejtësia të bëjë punën e saj.

Bledian Koka: Pra do ti paguani paratë e Beketit me paratë e zotit Rama, zotit Agaçi dhe zotit Veliaj me shumë gjasë, nëse i referoheni.

Lulzim Basha: Do të kalojmë në legjislacion për të cilin kemi nisur konsultimet tashmë me juristë të njohur ndërkombëtarë, të institucioneve ndërkombëtare për të bërë atë që njihet në terminologjinë juridike si kalimi i përgjegjësisë financiare për një dëm të shkaktuar interesit publik si përgjegjësi individuale.

Të fundit