Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Grupi Parlamentar i Partisë së Lirisë: I bashkohemi 3 kërkesave të PD-së

Politiko 18 Shtator 2025, 14:18

Grupi Parlamentar i Partisë së Lirisë: I bashkohemi 3

Partia e Lirisë i bashkohet nismës së Partisë Demokratike me 3 kërkesat e deklaruara sot pas mbledhjes së grupit parlamentar demokrat.

Me një konferencë të përbashkët për shtyp nga Kryesia e PL, ishte sekretari i saj i përgjithshëm, Tedi Blushi që në prani edhe të tre deputetëve të tjerë të grupit, akuzoi mazhorancën për shkeljen e Kushtetutës.

“Si grup parlamentar i bashkohemi qëndrimit të grupit parlamentar të PD-së për përsëritjen e seancës plenare, i bashkohemi thirrjes ndaj Presidentit të Republikës që të ngrihet në lartësinë e detyrës, për të mos pranuar betimin e këshillit të ministrave dhe do i bashkohemi gjithashtu mocionit të mosbesimit për shkarkimin e kryeparlamentarit Niko Peleshi”, tha Blushi në fjalën e tij.

Deputeti i PL gjithashtu trajtoi edhe gjendjen ekonomike, të sigurisë, të të drejtave të njeriut dhe të gjithë fushave të tjera në vend si një gjendje mizerable, ku qeveria është e zhytur në skandale dhe afera korruptive.

“Programi i qeverisë nuk jep asnjë përgjigje konkrete, nuk të jep shpresë, me taksa të larta dhe paga mizerable. Po shpenzohen miliona euro për dy TEC-e  lundruese që nuk prodhojnë energji. Pse një kilometër rrugë do na kushtojnë 7-7 herë më shtrenjtë se vendet në rajon dhe Evropë, kurse në fshatra nuk ka qendra shëndetësore. Shqiptarët dhe të rinjtë braktisin vendit, kurse oligarkët pasurohen. Edi Rama e shfaq urrejtjen e tij për Kosovës, teksa në programin e qeverisë Kosova nuk përmendet në asnjë paragraf. Vizioni i tij është lufta me qytetarët dhe antikombëtare. Shqipëria vendi më i pasigurt për jetën”, tha Blushi.

Më tej akuzoi kryeministrin Edi Rama se zgjodhi sot në Kuvend të mos përballej me opozitën, pasi ka kapur prej fyti edhe drejtësinë, duke mbajtur në burg prej një viti kreun e PL-së, Ilir Meta.

“Ai nuk përgjigjej dot për gjithë këto pyetje dhe me shkeljen e Kushtetutës nuk ka më dyshim se nuk na çon dot më në Bashkimin Evropian. Ai iu shmang sot përballjes me opozitën, sepse ai është autori i kapjes prej fyti të sistemit të drejtësisë, duke e renditur Shqipërinë si të vetmin vend në Europën demokratike ku ka të burgosur politikë, ku kërcënon, shantazhin dhe ku rregullorja e burgjeve vlen më shumë se Kushtetuta. Presidenti i PL vijon të mbahet në izolim pa prova e fakte, pa proces ligjor, që prej 21 tetorit 2024, kurse Edi Rama vijon të jetë i lirë të vjedhë, edhe pse provat janë në dritë të diellit, ose si rasti i aferës McGonigal dhe kjo ndodh e reforma është shndërruar në Ramaformë dhe qëllimi është për të vrarë opozitarizmin”, tha kreu i grupit parlamentar të PL.

Ai e krahasoi qeverinë “Rama 4” me “kuzhinetat e inceneratorëve që nuk djegin asgjë dhe në bidona benzine”.

Në prani të tij ishin edhe deputetët e tjerë të PL, Erisa Xhixho, Brunilda Haxhiu dhe Edmond Haxhinasto, që gjithashtu në fjalën e tyre denoncuan aferat e qeverisë.

Të fundit