Ditari i Opozitës

I 33-ti në Tiranë, Korab Lita: I kërkova vetë Bashës që të isha jashtë listës fituese, pse e pranova mandatin

I 33-ti në Tiranë, Korab Lita: I kërkova vetë Bashës

Kandidati për deputet i PD-së në Qarkun e Tiranës, Korab Lita ka deklaruar se mandatin e deputetit e pranoi vetëm për të ndryshuar Kodin Zgjedhor, teksa pas saj thekson se asgjë nuk e ndante më nga PD. Ai shprehet se vendimi për marrjen e mandatit ka qenë nga më të vështirët, por ai tregon se nuk është përjashtuar asnjëherë nga Partia Demokratike. 

"Shiko, koha në kohë të ndryshme ka kuptime dhe të drejta të ndryshme. Ndoshta kur dorëzuam mandatet, PD ndoshta ishte i drejtë, por koha prodhoi që pushteti në dorën e Ramës vijon të qëndrojë dhe të katandisë Shqipërinë në këtë derexhe. Sa i përket times, e pranova vetëm për ndryshimet në Kodin Zgjedhor. Që kryetari paraqet listën, dhe votuesi nuk zgjedh dot përveç partisë, është e gabuar. Unë në fakt s’mund të bëj parashikim, por njerëzit që më njohin, kam 25 vjet në politikë, unë flas dhe e them mendimin tim, jam pak rebel. Jam gjithmonë nuk bëj paqe me padrejtësinë dhe mungesën e lirisë. S’kam ikur asnjëherë nga PD. Kur mora mandatin e PD, ka qenë një ndër veprimet më të vështira të jetës, nuk u konsultova me ndërkombëtarët. U konsultova me miq, me anëtarët e partisë, strukturat. Hyra me vullnet të lirë, nuk e pranoj të futem ndryshe. Jam i lirë. Ishte vendim nga më të vështira. Unë jam i lindur, nga 18 vjeç jam në PD. Nuk jam përjashtuar. E kam parë veten në PD. Para se të hyja në parlament kam qenë në protesta, hyra vetëm të ndryshoj Kodin Zgjedhor. Kur ndryshoi, dhe Basha kërkoi lista 100% të hapura, por Rama refuzoi prej kartonëve, atëhere nga PD s’më ndante asgjë. Unë them atë që kam bërë unë. Qëndrimet në parlament. Vij nga familje e djathtë, me njerëz shumë pranë vetes time. Familje tradicionale, dhe kurrë s’bëhem i majtë." tha Korab Lita në "Frontline".

Lita shprehet se Basha tregoi lidership me futjen e tij te lista e kandidatëve, pasi sipas tij, ai duhet të mbledhë dhe thërrimen më të vogël për të bërë mazhorancën në parlament. Sa i përket renditjes i 33-ti, Korab Lita shprehet se i ka kërkuar vetë Bashës që të jetë jashtë listës fituese, pasi kërkon që tas marrë mandatin nga qytetarët dhe jo nga lista.

"Mendoj që në këtë rast Basha tregoi lidership, u impenjua të bashkonte komponentët që e sjellin në pushtet. I takon të mbledhë dhe thërrimen më të vogël për të bërë mazhorancën në parlament për të munudr të keqen, Edi Ramën. Numri është çështje fati. Emri im mbahet mend se është i emrit më të lartë në Shqipëri. Mbahem mend edhe nga çfarë zone vij, nga zonë tradicionale e djathtë, akademi politike e PD, e produktit që nxjerr vota. Për gjithë këtyre, ka shkuar dhe numri 33. Shumë lehtë mbahet mend. Numri 9 që ka PD ose pjesëtohet ose shumëzohet. Gjej rastin gjithë shqiptarëve, përvec demokratëve, në Tiranë edhe atyre që janë mërzit me qeverinë e Ramës, normalisht janë mërzitur, i bëj thirrje fillimisht të votojnë nr.9, pastaj tek nr.33. Edhe diçka, pozicioni jashtë listës fituese ka qenë kërkesa ime për Bashën. Nuk kishte moral të fshihesha në zonën e sigurtë. Unë dua vetëm siglën, çfarëdolloj numri të më vendosni, dua të dal nga votat e qytetarëve, jo nga lista. Asnjë sekondë të jetës time nuk kanë marrë këto lloj vendimesh. Unë të thashë që s’jam shkëputur asnjëherë nga PD, s’më ka shkuar në mendje të shkoj tek parti tjetër. Unë në parlament kam kontaktuar me gjithë kolegët." tha Korab Lita.

Të fundit