Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Kalaja në SPAK: Depozituam dokumente shtesë për kallëzimin ndaj gjyqtares Irena Gjoka

Politiko 16 Shtator 2025, 12:41

Kalaja në SPAK: Depozituam dokumente shtesë për kallëzimin

Avokatja Adriana Kalaja ka depozituar dokumente shtesë në SPAK në lidhje me denoncimin që ka bërë për gjyqtaren Irena Gjoka. 

Në një deklaratë për gazetarët, Kalaja tha se ka depozituar në SPAK edhe shkresën e Prokurorisë së Përgjithshme e cila konfirmon që vendimi penal i publikuar nga Berisha dhe depozituar nga ajo vetë në SPAK është autentik i formës së prerë dhe ka mbetur i pa ekzekutuar sipas prokurorit të Janinës.

Kalaja shtoi se këto institucione të caktuara me ligj nuk kanë bërë asnjë veprim, ndonëse procedura, e cila është ndjekur për të marrë informacion në shtetin grekë ka filluar para një viti e gjysëm.

"Në zbatim të kallëzimit penal që kemi bërë që në maj të 2025 ndaj Irenës me disa mbiemra, Kallëzim që prokuroria e ka regjistruar po, pa emër. Ndërkohë qe ne në kallëzimin penal kemi paraqitur të gjithë faktet dhe provat se si gjyqtarja me disa mbiemra jo vetëm është dënuar në shtetin grek, jo vetëm i është dhënë dy herë ekspuls në shtetin grek por nga ana tjetër ajo ka patur dijeni të rregullt për të gjithë këto vendim marrje, qoftë penale, qoftë administrative, madje ka refuzuar në mënyrë kategorike dhënin e informacionit apo deklarimin e vendimit penal. Qoftë edhe atij administrativ në dy raste edhe në 2002 edhe në 2003 lidhur me masën e ekspulsiv dhënë ndaj saj. Po kështu ajo ka gënjyer dhe ka bërë falsifikim në deklarim edhe në momentin e rivlerësimit kalimtar apo procesit të vetingut.

Sot ne depozitojmë shkresën e Prokurorisë së Përgjithshme, të cilën në fakt, duhet ta kishte marrë kryesisht SPAK-u, ashtu sikundër duhet të kishte marrë kryesisht edhe dosjen që ndodhet në Ministrinë e Drejtësisë dhe në Prokurorinë e Përgjithshme dhe kjo shkresë na konfirmon më së miri që vendimi penal i bërë publik nga Berisha dhe depozituar nga unë në SPAK është autentik i formës së prerë dhe ka mbetur i paegzekutuar sipas prokurorit të Janinës. Në këto kushte ne sot përveçse kemi depozituar këtë përgjigje të ardhur nga Prokuroria e Përgjithshme, nga ana tjetër ne i kemi kërkuar SPKA që të bëjë pjesë të dosjes të Irenës me tre mbiemra dosjen e plotë e cila sot është në Ministrinë e Drejtësisë dhe po kështu edhe dosjen e plotë e cila ndodhet në Prokurorinë e Përgjithshme . Pra për tu evidentuar e gjithë procedura se si është ndjekur marrja e informacionit," tha Kalaja.

Të fundit