Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

Këlliçi: PS shkallmoi konsensusin parlamentar, udhëzimet i marrin nga kartelet

Politiko 16 Shtator 2025, 19:14

Këlliçi: PS shkallmoi konsensusin parlamentar, udhëzimet i

Deputeti i PD-së, Belind Këlliçi, akuzoi Partinë Socialiste për prishjen e një konsensusi 20-vjeçar në Kuvend, pas vendimit për t’i hequr opozitës drejtimin e disa komisioneve parlamentare, mes tyre edhe atë të Integrimit.

I ftuar në Syri Tv, Këlliçi tha se mazhoranca solli në Kuvend një projektvendim pa rregullore, duke shkrirë Komisionin e Integrimit që tradicionalisht drejtohej nga opozita. Ai e cilësoi këtë vendim si hap drejt konfliktit politik dhe theksoi nevojën për ngritjen e një komisioni të posaçëm kundër krimit të organizuar dhe karteleve të drogës.

 “Kjo mazhorancë edhe pse kaq e inkriminuar ka një bekim të madh që ka një opozitë, që për hir të integrimit gjithmonë ka thënë ‘Po’. Jo si ata që u binin bilbilave kundër anëtarësimit në NATO, apo liberalizimin e vizave. Nëse ka pasur konsensus, ka pasur për rregulloren e Kuvendit. Ajo është bërë me dakordësi mes palëve, pasi është kushtetuta e menaxhimit të jetës parlamentare. Kjo u shkelmua sot, u shkallmua dhe në emër të performancës së komisioneve parlamentare.

Unë sot duhej të votoja një propozim të mazhorancës, ndërsa nuk m’u dha në relacion. Ke një praktikë të konsoliduar parlamentare prej 2 dekadash, me që kemi të bëjmë me një vend që qytetarët aspirojnë në BE, edhe këtë praktikë të konsoliduar parlamentare e ka të nevojshme mazhoranca ta shkallmojë e të sjellë në parlament një projekt-vendim pa një rregullore. S’ka një arsye për marrjen e një vendimi për shkrirjen e një komisioni parlamentar për Integrimin, iu hoq opozitës pas një konsensusi të konsoliduar 20-vjeçar.

E ke çuar debatin parlamentar drejt konfliktit. Është shkrirë komisioni që drejtonte opozita, është bërë në 3 komisione e thua ia ke lënë opozitës. Ka komisione të tjera se përse janë riemërtuar dhe fusha e veprimtarisë së tyre, këta deputetë që do shkojnë, kush do jetë baza ligjore e menaxhimit të këtyre sektorëve, përveç se kanë ngushtuar hapësirat e opozitës por edhe të mazhorancës.

Si nuk i vajti mendja Ramës të bëjë një komisionin kundër krimit të organizuar dhe karteleve. Ku do t’i çojë deputetët e tyre, Çapjat e Troplini në Elbasan e Durrës?!

Një komision me krimin e organizuar, komision njëpartiak, një forcë politike të PS. Fjala e autokratit, e liderit të PS, përkthehet në ligj dhe shkelet kushtetuta se do Rama, prishet konsensusi opozitar se do Rama, e s’ka asnjë debat. 11 komisionet parlamentare, i konsideron anekse të qeverisë, njëjtë si KQZ, bashkitë e Shqipërisë, kreu i Akademisë së Shkencave. Ke një kryeministër që është vendimmarrësi për gjithçka. Ka Diellën, për t’u hedh hi sy, qytetarëve e për t’u shpëlarë trutë socialistëve.

Gjatë 2 dekadave komisionin e Integrimit e ka drejtuar opozita, ka qenë portë hyrëse me ndërkombëtarët. Gjithçka thoshte ishte mashtrim e s’i dridhej qerpiku. Ata s’njohin njeri-tjetrin, kush janë deputetët e PS, anonimë. 20 deputetët, produkt i krimit.

Këta vijnë me arrogancën e kartonave, udhëzimet i marrin nga kartelet e drogës dhe propozimet e mia do ecin përpara. Këtë lloj arrogance kishte dhe Veliaj më 2023. Sot jemi njohur me programin qeverisë, të PS për 4 vite, ka 2 rreshta për shëndetësinë, ca rreshta për veriun. Në seancën e së enjtes do të tentojnë ta censurojnë opozitën. Të njëjtin fund që pati Bashkia eTiranës me strukturën e  hajdutëve, së shpejti do kenë edhe këta me Edi Ramën në krye.”- tha ai.

 

 

Të fundit