Koalicionet / Përfundon takimi 2-orësh në selinë blu, ç’u diskutua mes Bashës dhe Idrizit

Ka zgjatur gati dy orë takimi i kreut të opozitës, Lulzim Basha dhe kreut të PDIU, Shpëtim Idrizi në selinë blu, ndërsa kanë mbetur edhe 48 orë për të mbyllur për regjistrimin e koalicioneve në Komisionin Qendror të Zgjedhjeve, si dhe emrat me të cilët do të përfaqësohen.

Sipas ‘news 24’, Idrizi i ka prezantuar kryedemokratit emrat që sugjeron të përfshihen në listën e opozitës së bashkuar në zgjedhjet e 25 prillit.

Më herët, në selinë e PD është zhvilluar një takim edhe me kreun e PR, Fatmir Mediun, por jo me kreun Basha, por me zyrtarë të tjerë të PD, pasi mes dy aleateve ende nuk ka marrëveshje për emrat që do kandidojë në listën e opozitës së bashkuar.  

PD deri tani ka arritur marrëveshje për të qenë në një koalicion me të me LZHK-në e Dashamir Shehit, PDK e Nard Ndokës dhe PAA e Agron Dukës.

Opozita e bashkuar ende nuk e ka bërë të ditur strategjinë e saj elektorale që do të përdorin në zgjedhjet e 25 prillit pasi LSI mund edhe të garojë e vetme të paktën në qarqet e mëdha.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm