Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

Ditari i Opozitës

‘Kokë më kokë’ me Ramën, Dashnor Sula tregon çfarë diskutoi me kryeministrin

Politiko 24 Nëntor 2022, 14:58

‘Kokë më kokë’ me Ramën, Dashnor Sula tregon

Deputeti demokrat Dashnor Sula dhe kryeministri Edi Rama u kapën në një moment nga kamerat duke diskutuar ‘kokë më kokë’, pasi kryeministri përmbylli fjalimin e tij mbi Portin e Durrësit.

Në një lidhje direkte për Euronews Albania, deputeti demokrat ka treguar se çfarë diskutoi me kryeministrin Rama.

Sula tha se i kishte dorëzuar Ramës disa dokumente në lidhje me Portin e Durrësit dhe se ishin sqaruar për disa keqkuptime dhe akuza që Rama kishte adresuar kundrejt tij. Sula tha se kryeministri pretendonte se demokrati e kishte ofenduar.

Deputeti tha se kishte folur edhe për ofendimet që Rama i adresoi opozitës nga foltorja.

“Sigurisht, fotoja ka të bëjë me një takim që të gjitha mediat e kanë dhënë, një darkë te restoranti i famshëm i Nusretit, atje ku minimumi një biftek kushton 1 mijë euro dhe kjo është për të ardhur keq. Aty është foto e ministrave të kësaj qeverie apo të nënkryetarit të bashkisë dhe biznesmenë të Shqipërisë, të cilët në janar të vitit 2021, atu ku ka lindur apo zhvilluar si ide dhe projekti i Portit të Durrësit. Kjo ishte fotoja që unë kam nxjerrë. Unë, absolutisht, nuk ka asnjë sekret, i dorëzova disa dokumente kryeministrit që kanë lidhje me portin, që ia dhashë. Duke qenë se ishin dokumente të cilat informonin përsa i përket diçkaje me portin, një rast të tillë.

Gjuha në Parlamentin e Shqipërisë nuk është normale, gjuha e kryeministrit nuk është normale, sigurisht ka debate politike dhe tone të ngritura, por gjuha e fyerjes, intimidimit për asnjërin person, aq më tepër kryeministrit tonë nuk i shkon përshtat. Fola, sepse edhe kryeministri me gjuhën e përdorur, kemi kundërshtuar se kjo nuk është normale. Unë dhe kolegët e mi nuk e kemi ofenduar, por e kemi kundërshtuar. Kjo ishte një sqarim. Ai është kryeministër, por ne jemi kolegë si deputetë në parlament, jemi njerëz para se të jemi politikanë. Debate e diskutime do ketë gjithmonë. U sqaruam se edhe kryeministri kishte keqkuptime, sikur kam ofenduar në drejtim të tij, por kjo nuk ishte e vërtetë, i thashë që mund ta verifikonte”, tha Sula.

 

Të fundit