Flash News

Armand Shakaj dyshohet se e vrau dhe e groposi Eglant Koçin, çfarë u bë “mollë sherri” mes shokëve

Ulen çmimet e karburanteve, ja sa do të shitet nafta dhe benzina

POLITICO nxjerr deklaratën e fortë të Ramës: Të huajt janë më të rëndësishëm se shqiptarët

Televizioni amerikan: Protestat po kthehen në sfidë të hapur ndaj Ramës

Zhdukja e Eglant Koçit, policia: Një strukturë e posaçme po merret me gjetjen e trupit

Ditari i Opozitës

LSI e përgjysmuar në krahasim me 2017-n, Vasili: Vullneti i zgjedhësve ndodhet në kutitë e votimi

Politiko 26 Prill 2021, 11:54

LSI e përgjysmuar në krahasim me 2017-n, Vasili: Vullneti i

Deri më tani në rang kombëtar LSI ka grumbulluar 7.16% të votave. Në zgjedhjet e 2017-s kjo forcë politike grumbulloi 14.28% të votave në rang kombëtar (19 mandate), dyfishin e mbështetësve të këtyre zgjedhjeve.

Nënkryetari i LSI-së, Petrit Vasili në një dalje për median, tha se vullneti i zgjedhësve ndodhet në kutitë e votimit ndaj duhet të presim deri në numërimin e votës së fundit.

Deklarata e Vasilit:

Siç e dini vazhdon procesi i numërimit, një proces, i cili akoma ka një punë shumë të madhe përpara, pasi mungojnë për t’u numëruar mbi 75 për qind e qendrave të votimit anembanë vendit, kështu që misioni kryesor, detyra kryesore është i komisionerëve dhe në mënyrë të veçantë numëruesve. Numëruesit kanë një rol të jashtëzakonshëm, pasi çdo votë është e pazëvendësueshme, është e ditur dhe e njohur dhe e bërë publike që janë numëruar kryesisht vota në të cilat Partia Socialiste ka një lloj avantazhi në ato zona ku janë numëruar, dhe detyra në mënyrë tëra, çdo votë duhet numëruar ashtu sikurse është hedhur dhe ashtu siç është vullneti i qytetarëve. Ndaj mobilizim.

 Është përpara një punë shumë e madhe, e cila vetëm sa ka filluar. Kështu që, inkurajim të plotë, solidaritet njëri – tjetrit për të qenë të freskët, sepse kuptohet është një proces që kërkon edhe energji, por të gjithë së bashku do ta çojmë deri në fund, duke numëruar edhe votën e fundit, dhe sigurisht duke lexuar edhe të gjithë atë vullnet të zgjedhësve tanë, i cili ndodhet në kutitë e votimit dhe që pret të trajtohet me korrektesë dhe në respekt të plotë të ligjit.

 Prandaj, forca të gjithë numëruesve, lodhja vërtet nganjëherë bën të vetën, por aty janë edhe ekipet e tjera, të cilët freskojnë njëri-tjetrin dhe çdo gjë të eci në rrugën e duhur. Punë të mbarë të gjithë numëruesve tanë kudo që janë dhe mbështetje të plotë atyre për punën, sakricën, njëkohësisht edhe për atë rezultat që është shumë i rëndësishëm për të sotmen, por edhe për ditët që do të vijnë, ashtu sikurse do ta shikojnë edhe vetë. Prandaj, forca të gjithë numëruesve dhe administratorëve të procesit, në mënyrë të veçantë atyre që janë të LSI-së, por edhe të opozitës në tërësi.

Të fundit