Flash News

Marrëveshja me Italinë/ Niset anija e parë me emigrantë drejt Shqipërisë

Begaj kthen për rishqyrtim në Kuvend ligjin për “Inspektimin”: Nuk ka konsultim publik

Nën akuzë për shpërdorim detyre, SPAK çon për gjykim ish-kryebashkiakun e Pogradecit

Scholz nga Procesi i Berlinit: Duhet dinamikë e re në normalizimin e marrëdhënieve Kosovë-Serbi

Këlliçi sërish në SHBA, takohet me Lara Trump dhe kongresmenë: PD beson tek Presidenti Trump

Ditari i Opozitës

Maxhoranca nuk pranoi kërkesat e opozitës, Bardhi: Antikushtetues, është detyrim i Kuvendit

Politiko 29 Shtator 2023, 13:17

Maxhoranca nuk pranoi kërkesat e opozitës, Bardhi: Antikushtetues,

Konferenca e Kryetarëve nuk pranoi kërkesat e opozitës për ngritjen e dy komisioneve parlamentare hetimore: për koncesionin e sterilizimit dhe për rrjedhjen e të dhënave nga sistemi TIMS.

Vendimi i ka kaluar seancës plenare, pasi maxhoranca refuzoi kërkesat e firmosura nga opozita.

Kreu i grupit parlamentar të PD, Gazment Bardhi e cilësoi antikushtetuese vendimmarrjen e maxhorancës, pasi nuk dha konsensus për dy komisionet hetimore të kërkuara.

“Të dyja paraqisnin një rëndësi të madhe. Zyrtarisht në përputhje me të drejtën tonë kushtetuese 45 deputetë iu drejtuam kuvendit për një kom hetimor. Sipas kushtetutës Kuvendi është i detyruar të ngrejë një kom hetimor kur e kërkojnë jo më pak se 35 deputetë.

Pa asnjë surprizë siç kanë vepruar në 1 vit e gjysmë, maxhoranca vendosi të mos japë konsensusin për ngritjen e dy kom hetimore. Antikushteuese. Është detyrim për Kuvendin e Shqipërisë. Të dyja argumentet që janë justifikime jo vetëm që nuk qëndrojnë, nuk kanë bazë kushtetuese, por janë fyerje për çdo mendje normale njerëzore.

Argumenti i parë, lidhje me faktin se ne kërkonim të hetonim 4 kontrata koncesionare. Sipas tyre nuk mund të hetohen 4 kontrata, çështje shumë e gjerë. 4 kontratat lidhen me një çështje të vetme, që ka të bëjë me ofrimin e shërbimeve qytetarëve sipas një marrëdhënieje PPP. Për sa kohë janë miratuar të 4 kontratat nga qeveria me vlerë 450 mln euro, ne kërkuam që të verifikohet si janë lidhur këto kontrata dhe së dyti si po zbatohen. Të dhënat e verifikimit nga KLSH kanë treguar që jo vetëm kemi të bëjmë me kontratave dhe vlera abuzive, por me pagesa e shërbime që qytetarët nuk i përfitojnë.

Për të dhënat e sistemit TIMS, shqetësimi nuk ka ardhur vetëm nga opozita, por dhe nga ambasada e SHBA-ve.

E kuptojmë që maxhoranca nuk ka interes, sepse do të zbulohej fshirja e të dhënave mbi udhëtime të qeveritarëve, familjarëve të Ramës dhe ministrave me eksponentë të krimit të organizuar. Kjo ka qenë një nga arsyet e ndërhyrjes në sistemin TIMS”, deklaroi Bardhi.

Të fundit