Miratimi i buxhetit 2024, Tabaku: Shumica e atyre që ngritën kartonët nuk e dinë se ç’votuan

Deputetja e Partisë Demokratike, njëherësh kryetare e Këshillit Kombëtar të Integrimit Jorida Tabaku lidhur me seancën e sotme parlamentare, ku mes kaosit dhe tensioneve u votua me 74 vota pro dhe 4 kundër buxheti i vitit 2024.

Në një reagim në rrjetet sociale, Tabaku shkruan se sot kartonët e mazhorancës u ngritën për një buxhet që rriti taksat me 70 milionë euro, kryesisht për shtresën e mesme.

Ajo thotë se shqetësimi kryesor që ka ngritur në ketë muaj është se ky buxhet do vazhdojë që të mos mbështesë shtresën e mesme dje te godasë shtresën e mesme.

“Jam e sigurt që asnjëri nga ju nuk arriti të kuptojë se çfarë u votua sot mes zhurmës dhe rrëmujës. Jam e sigurt që dhe shumica e atyre që ngritën kartonët nuk e dinë se çfarë votuan. Sot u votua një tjetër buxhet socialist, i cili rriti taksat me 70 milion euro, kryesisht për shtresën e mesme.

Tre janë shifrat dhe faktet domethënëse për këtë buxhet. Së pari, Shqipëria do të vazhdoj të mbetet një nga vendet më të varfra të Ballkanit Perëndimor duke lënë pas vetëm Kosovën me 23% varfëri.

Shqipëria do të ketë mbrojtjen më të ulët sociale, të gjithë vendeve të Ballkanit Perëndimor dhe do të ketë një buxhet prej pothuajse 11% të Produktit të Brendshëm Bruto për mbrojtjen sociale.

Së treti, Shqipëria ka pagat më të ulta në të gjithë Ballkanit Perëndimor, me një peshë pothuajse 4.5% të Produktit të Brendshëm Bruto.

Këto tre shifra tregojnë që asgjë nuk ndryshon në tendencën 10-vjeçare të buxheteve socialiste. Asgjë nuk ndryshon dhe asnjë mbështetje, asnjë stimul për shtresën e mesme, asnjë justifikim për të shpjeguar se çfarë ndodhë me ekonominë sot dhe pse kemi çmimet më të larta.

Por nga ana tjetër as edhe një rritje graduale për të shkuar të paktën drejt treguesve të Ballkanit Perëndimor.

Shqetësimi kryesor që kam ngritur në ketë muaj është e vështirë që të dëgjohet mes zhurmës, ka qenë që ky buxhet do vazhdojë që të mos mbështesë shtresën e mesme, te godasë shtresën e mesme.

Të formalizoj formalitetin, por nga ana tjetër të ketë një tendencë, e cila është kthyer në shqetësuese, për sa i përket mbështetjes së arsimit.

Nuk ka pse të shqetësohemi, as të çuditemi kur shohim shifrat e PISA që të rinjtë shqiptarë sot kanë rënien më të madhe në lexim, matematikë dhe shkencë.

Kjo lidhet me politikat e buxhetit, kur nuk buxhetojmë, kur nuk mbështesim arsimin, ekonominë e zhvillimit, teknologjinë e informacionit, kjo do ndodhë. Ku nuk kemi asnjë model zhvillimi ekonomik, kjo do ndodhë.

Të gjitha këto shqetësime që kam ngritur gjatë këtij muaji dhe të gjitha këto duhet të ishin shqetësime edhe për qeverinë, janë problemet reale që ka ekonomia.

Janë arsyet se pse sot rinia largohet, pse nuk ka meritokraci. Në fund të ditës çdo gjë lidhet me vizionin për buxhetin dhe me vizionin që një qeveri ka për ekonominë.

Ndjesë të gjithë atyre që nuk kanë arritur që t’i transmetojmë atë që duhet përsa i përket buxhetit.

Është shumë e vështirë që argumentet dhe idetë të dëgjohen e të shikohen e të analizohen kur ka zhurmë. Fatkeqësisht edhe një tjetër buxhet socialist u miratua!”, shprehet ajo.