Flash News

Siguri e shtuar për vizitën e Ramës në Vlorë

Aksidentohet urbani te Gjykata e Tiranës, disa të lënduar

Qytetari i vë thikën në qafë policit të Rrugores

Protesta e bukur e shëmtuar

Bordi i Transparencës cakton çmimet e reja të karburanteve

Ditari i Opozitës

Ndryshimet statuore në PD, Kadilli: Duhet çmontuar vula e kryetarit, Këshilli i të Urtëve garanton vazhdimësinë e partisë

Politiko 7 Korrik 2021, 10:32
Ndryshimet statuore në PD, Kadilli: Duhet çmontuar vula e kryetarit,
Fatbardh Kadilli

Anëtari i Kryesisë së PD, Fatbardh Kadilli ka prezantuar propozimet e tyre për ndryshime statuore, ku një ndër to është edhe çmontimi i monopolit të kryetarit.

Lidhur me këtë pikë, ai thotë se është një proces jetik, duke e cilësuar si një ndryshim në interes të partisë, por dhe shoqërisë në tërësi.

"Çmontimi i monopolit të Kryetarit mbi partinë dhe anëtarësinë është proçes jo thjeshtë i nevojshëm, por jetik për demokratizimin e partisë. Sa kohë të vazhdojmë të kemi këtë gjëndje në partitë tona, ku njëshi dominon i patrazuar, shanset për demokratizimin e partive dhe të vetë shoqërisë mbeten shumë të pakta", thuhet në reagimin e tij për mediat.

Kadilli shton se PD mbetet shumë larg një demokracie të brendshme. Parimi një anëtar – një votë, shton ai, u jep të gjithëve të drejtë për të kandiduar, duke e bërë PD forcë perëndimore dhe vërtetë demokratike.

"Ndaj, drejtimi administrativ i partisë ndahet. Atë nuk mund ta bëjë më Kryetari, por një trupë tjetër. Këshilli i të urtëve është një mekanizëm që garanton partinë, garanton vazhdimësinë e partisë përtej një projekti të një kryetari të rradhës.

Ky këshill duhet të përgjigjet për organizimin dhe regjistrimin e strukturave, për regjistrimin e anëtarësisë, për aspekte statutore, për organizimin e zgjedhjeve për drejtuesit partiak dhe për kandidatët që ne nxjerrim në garat elektorale, qendrore dhe lokale. Ky këshill duhet të garantojë dhe përdorimin e balancuar dhe proporcional të financave të partisë, mes qendrës dhe degëve", shton ai.

Kadilli thotë se vetëm me këtë ndarje të rolit politik nga ai administrativ, parimi i zgjedhjeve me primare do të ishte real. Gjithashtu thekson se këto ndryshime forcojnë votën e anëtarit dhe çmontojnë vulën e kryetarit.

 

Të fundit