“Në 2010 përmbytjet bënë hatanë”, Basha: Njerëzit janë deri në brez me ujë, Rama bën propagandë

Kryetari i PD, Lulzim Basha

Kreu i PD-së, Lulzim Basha ka reaguar pas konferencës së kryeministrit Edi Rama.

Në një prononcim nga selia blu ai tha se 8 vite Rama ka dështuar duke shtuar se Rama sot tentoi ta përdorte situatën e përmbytjeve për propagandë. “Kjo është një vulë turpi”, theksoi Basha.

Ky i fundit shtoi se është koha që vendi të ketë në kryeministër serioz që të punojë për interesat e qytetarëve.

“Mijëra familje janë nën ujë, pa furnizime ushqimore e medikamente. Zona nga Shkodra, Durrësi, Lezha dhe gjithë ultësira perëndimore nën ujë. Përmbytjet kanë ardhur nga kaskadat jo nga reshjet. Ai del aty dy orë dhe bën propagandë me fatkeqësinë, edhe fatkeqësinë më të madhe e cilëson propagandë.

Boll më. Ky njeri është problemi i vendit, ky dështak ka vetëm një zgjidhje, largimin. Edhe përmbutjen, si çdo gjë tjetër, po mundohet ta kthejë në propagandë. Njerëzit janë deri në brez me ujë në mes të pandemisë, ata të tjerët kanë mbetur në çadra, i zuri viti i dytë, ka ardhur koha ta largojmë.

Na duhet një kryeministër serioz. Probleme kanë ndodhur dhe do të ndodhin, por Shqipërisë i duhet një kryeministër serioz, të ndihmojë shqiptarët. Me të gjitha pushtetet në dorë, Rama ka dështuar”, tha Basha.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm