“Nëse rast mbingarkese, do zgjedhim kush do trajtohet”, Basha sulmon Ramën dhe Manastirliun: Ky është krimi më i madh ndaj shqiptarëve!

Foto Ilustruese/ Basha dhe Manastirliu

Kreu i Partisë Demokratike, Lulzim Basha, ka ritheksuar situatën e rëndë-sipas tij- në të cilën ndodhet Shqipëria për shkak të pandemisë. Gjatë takimit të përditshëm me gazetarët, Basha nuk ka kursyer as sulmet ndaj qeverisë dhe Manastirliut, pas deklaratës së saj se “në rast përkeqësimi ytë situatës do të përzgjidhet kush do të trajtohet e kush jo”.

Basha tha se ky është një krim ndaj shqiptarëve, ndërsa Rama dhe kukullat e tij po vjedhin paratë të cilat duhet të përdoreshin për të trajtuar pacientët.

“Edi Rama, ministrja e Shëndetësisë dhe njerëzit përgjegjës për këtë situatë janë dyfish fajtorë. Nuk kanë marrë asnjë masa për t’i përpara situatës, ndonëse kanë qenë të paralajmëruar nga ekspertët, opozita, ndonëse OBSH ka lëshuar udhëzime për të marrë masa paraprake. Si rezultat i kësaj numri i infektimeve është shtuar shumë më shumë, sesa nëse situata do të mbahej nën kontroll, e do të bëheshin mbi 2 mijë testime. Së dyti, ata janë faktorë për fshehjen e të vërtetës.
Kjo është dita e zezë, për të cilën Rama duhet të kishte përdorur paratë. Testime mbi 2 mijë në ditë, rritja e kapaciteteve spitalore, rimbursimi i ilaçeve për të sëmurët me Covid, mund të ishin financuar dhe të conin në uljen e numrit të të infektuarve dhe viktimave. Rama i ka paratë, por zgjedh t’i vjedhë. Prej dy javësh po i ikën përgjegjshmërisë dhe mundohet ta zhvendosë debatin.

Do vazhdojë të hapë lloj-lloj diskutimesh, vetëm që mos të përgjiet pse nuk rrit numrin e testimeve, të mjekëve dhe infermierëve, pse nuk hap spitale të tjera, pse nuk paguan ata që kanë humbur vendet e punës, pensionistët, ata që janë në nevojë. Tani vjen pjesa më kriminale. Mbrëmë në Parlament ministrja tha se do të përzgjidhet kush do të trajtohet e kush jo. Pse kemi ardhur në këtë pikë? Sepse paratë që duhet të shkonin për të trajtuar të sëmurët me Covid i kanë vjedhur. Kush ja jep të drejtën Ramës dhe kukullave të tij të vendosin se kush duhet të trajtohet e kush jo. A ka krim më të madh ndaj shqiptarëve? Të vendosësh kush do të jetojë, e kush do të vdesë”, theksoi Basha.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm