Nga Jurgis Çyrbja te Ardian Çela/ PD çon 42 emra në SPAK, përse i akuzon

Partia Demokratike ka depozituar në SPAK dy padi penale ndaj punonjësve të administratës dhe zyrtarëve socialist në Qarkun e Durrësit.

Padia e parë është kundër deputetit socialist Jurgis Çyrbja, ku PD e akuzon për shpërdorim detyre në kohën kur ai ka qenë drejtor i Hipotekës së Durrësit. Drejtuesi politik i PD-së në Durrës, Edi Paloka tha në një deklaratë për mediat tregoi një prej rasteve që i ka çuar në SPAK ku Çyrbja brenda të njëjtës ditë kishte firmosur për t'ia dhënë të njëjtën pronë dy personave të ndryshëm. Paloka deklaroi se Çyrbja edhe sot shkon çdo ditë në Hipotekën e Durrësit sikur të ishte ende drejtor dhe shpërndan dokumenta pronësie apo certifikata për qytetarët në këmbim të votave.

Padia e dytë, ka të bëjë me shitblerjen e votës dhe është një listë e gjatë emrash të akuzuarish duke filluar me koordinatorin e PS-së në Durrës, Ardian Çelën, drejtorë dhe punonjës të administratës apo edhe qytetarë të thjeshtë. Paloka tha se në një padi që ka depozituar PD më herët në SPAK, janë dhe emrat e kryetarit dhe nënkryetarit të Bashkisë së Shijakut si dhe emrat e dy trafikantë të njohur në Shijak, Jul Balla dhe Ald Hajri, që sipas tij, janë angazhuar totalisht në fushatë për Partinë Socialiste.

Deklarat e plotë e Edi Palokës:

Sot jam para jush për të dhënë informacion mbi dy padi që kam çuar në Prokurorinë Speciale, SPAK. Padia e parë ndaj deputetit të PS-së dhe kandidatit për deputet të PD-së, Jurgis Shefqet Çyrbja për shpërdorim detyre, një padi që lidhet me shpërdorimin e detyrës dhe me veprat penale që ky kandidat për deputet i PS-së gjatë ushtrimit të detyrës si drejtor i hipotekës së Durrësit. Këto janë materiale që kanë ardhur po nga hipoteka e Durrësit, janë 5 akte  të cilat minimalisht duhet ta çojnë Çyrben pas hekurave mbas kësaj jave. Mjafton t’iu tregoj vetëm për njërin prej praktikave që ai ka ndjekur, dokumentet janë tashmë në SPAK, vetëm në një praktikë, brenda të njëjtës ditë, Jurgis Çyrbja ka firmosur dy akte për të njëjtën pronë për dy persona të ndryshëm. Pra, ka mbivendosur të njëjtën pronë, brenda të njëjtës ditë ia u ka dhënë dy personave të ndryshëm. Ky është vetëm njëri prej akteve. Unë kam dorëzuar në SPAK 5 akte të ngjashme. Këto akte më kanë ardhur këto ditë direkt nga specialistët e Hipotekës së Durrësit. Një tjetër informacion që më ka ardhur është se ky zotëri ka shkuar edhe këto ditë në Hipotekën e Durrësit dhe kjo është bërë shkaku pse nënpunësit serioz dhe të përgjegjshëm të Hipotekës së Durrësit mi dërguan këto materiale. Jurgis Çyrbja ka qenë çdo ditë aty duke shpërndarë dokumenta sikur të jetë edhe sot drejtor i Hipotekës së Durrësit. Dokumenta pronësie apo certifikata që iu janë dhënë banorëve të zonës ku ai kandidon sot në këmbim të votës.

Denoncimi tjetër edhe më i rëndësishëm ka të bëjë me shitblerësit e votave në bashkinë e Durrësit, është një kallëzim penal që tashmë është depozituar në SPAK. Unë po iu lexoj me radhë emrat e personave që janë denoncuar, persona të cilët kanë kryer vepra penale të ndryshme, duke filluar nga shitblerja e votës. Persona që do lexoj emrat janë denoncuar nga koordinatorë të PS-së dhe kam bërë verifikimet. Emrat që janë dërguar në SPAK:

Ardian Çela – Administrator i OSHEE-së dhe koordinator i PS-së për Durrësin, ky është koka e meduzës nga të cilat drejtohen dhe fillojnë gjithë këto krime të tjera.

Roni Shqopa – Drejtor i AKU-së Durrës.
Ledion Lako – Drejtor i Agjensisë Kombëtare të Bregdetit
Alban Çela – Zv.drejtor i përgjithshmë në drejtorinë e Tatimeve
Spartak Kovaçi – Drejtor i UKT-së
Ardian Iljazi – Drejtor shërbimesh në bashkinë Durrës
Arben Isaku – Drejtor Juridik në Bashkinë Durrës
Emiljan Jani – Drejtor i Shërbimeve të Transportit Rrugor
Ermal Pronjari – Jurist në drejtorinë Juridike të bashkisë Durrës, përgjegjës për zyrën e Rindërtimit
Elio Jani – Jurist pranë autoritetit portal Durrës
Gerald Ceka – Kancelar i UAMD-së
Petrit Ismailjati – Drejtor i Shërbimit Social
Agim Karaj – Drejtor i Formimit Profesional Durrës
Soren Dedianjala – Nënpunës në bashkinë Durrës
Densi Shkodrës – Punonjës i OSHEE-së
Elvis Pengili – Përgjegjës i ASHK-së
Dorjan Baba – Drejtor OSHEE-së në Sukth
Indrit Serloi – Drejtor i ISHSH-së Durrës
Ruzhdi Murtini – Punonjës i OSHEE-së
Albert Bugaçi – Administrator i njësisë Rrushbull

Shtetasit pa funksione:

Mariglen Mullai
Fetah Mata
Radon Qereti
Ilir Lleshi
Idlir Topçiu
Oliver Xhamuça
Bledar Metalla
Gëzim Prenga
Gerald Dauti
Agron Gëzim Axhia
Zakarel Zake
Redjan Kalastra
Jurgen Zaza
Kastriot Xhandolli
Ermal Kapllani
Fred Dhuli
Djonis Gjoni
Sulejman Ibrahimi
Mand Cërri
Ed Cërri
Xhemo Sula

Të gjithë personat në padi janë përcaktuar dhe janë çuar me numra telefoni, sepse pas padisë së parë për dijeni po iu informoj që SPAK-u na kërkoi t’ja u japim dhe me numra telefoni. Te padia e parë që është dorëzuar në SPAK, veç këtyre janë dhe kryetari dhe nënkryetari i bashkisë së Shijakut, si dhe dy trafikantë të njohur në Shijak Jul Balla dhe Ald Hajri, persona të njohur për precedentet e tyre penale që sot janë angazhuar totalisht për blerjen e votave në Shijak. Të tjerë persona janë në verifikim nga ne, po mbledhim provat dhe për ata dhe shumë shpejt edhe emrat e tyre do të jenë në SPAK dhe do të bëhen publike.

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm