Flash News

Bie zjarr në një pallat në Astir

KAS i rrëzoi kërkesën për rinumërim të votave, Alimehmeti padit KQZ-në në Kolegjin Zgjedhor

Mahmut Orhan sjell një eksperiencë unike me Curious X

Gjashtë policë dërgohen në gjyq, nuk vendosnin gjoba edhe pse shikonin shkelje

Vrasja e Martin Canit/ 5 të mitur thirren për të dëshmuar në Gjykatë, autori mohon akuzat

Ditari i Opozitës

Nga propozimet e Vokshit dhe Salianjit te “gabimi” në fjalimin e Bardhit, zbardhen diskutimet e deputetëve të PD me dyer të mbyllura

Politiko 5 Shtator 2023, 13:46

Nga propozimet e Vokshit dhe Salianjit te “gabimi” në fjalimin

43 deputetë të PD u ulën sot në një tryezë të përbashkët pas thirrjes së një dite më parë nga Gazment Bardhi.

Vetëm nisja e takimit pati prezencën e medias, ku mbajti fjalën hapëse Bardhi, kreu i PD Sali Berisha dhe kreu i PR, Fatmir Mediu.

Pjesa tjetër e takimit ka vijuar me dyer të mbyllura, por Politiko.al ka mundur të zbardhë disa prej diskutimeve të deputetëve demokratë.

Luan Baci : Ne media kemi dhënë mesazhin e një ndarje. Në vijim të propozimit të Mediut që duhet të kemi një takim në javë, duhet gjetur një fjalë më e saktë kur themi ftesë. Askush nuk mund të ftohet në shtëpinë e vet. Mund të gjendet një fjalë e duhur ‘njoftim për një mbledhje për deputetët e opozitës. Edhe në media nuk do i jepej e drejta për diversion.

Gazment Bardhi: Në deklaratën time publike nuk kam përdorur fjalën ftesë, e përdora sot , ndoshta edhe gabim por fjalën nismë. I mirëpres sugjerimet. Si takim i parë duhet ti mirëkuptojmë. Në cdo takim do bien shqetësime të kësja natyre.

Albana Vokshi: Besoj se ky takim i parë të jetë i sinqertë. Besimi dhe sinqeriteti me njëri tjetrin është kyçi i vijimit të punës. Kam dy propozime: Nuk duhet të ndalemi vetëm te TIMS, komisioni hetimor të ngrihet për sistemin e patronazhimit dhe vjedhjes së të dhënave të qytetarëve shqiptar. Nëse ka patur sistem të till në 2021, në 2023 dhe nga faktet e të dhënave në zgjedhjet e 14 majit ata e kanë perfeksionuar ku cdo qytetar kontrollohet.

Së dyti, shendetësia meqë SPAK po heton chek up dhe sterilizimin, të zgjerohet objekti i komisionit hetimor duke futur periudhën e pandemisë, pasi kemi bërë shumë denoncime. KLSH ka bërë raport për mungesën e politikave të shëndetësisë. Do sugjeroja që komisioni shëndetësisë të thërrse ministren, të fillojmë dëgjesat dhe meqë nis dhe shkolla deputetet të denoncojnë situatën në shkolla.

Ervin Salinji: Kjo mbledhje në sy të elektoratit shihet si një bashkim praktik i grupit parlamentar të PD pas shumë kohësh, ky është mesazh i mirë dhe shpresoj të jetë e para e përjavshme për të qenë gjithë kohës të koordinuar.

Tani ka dy formacione qeveritare, PS dhe formacioni i disa ndjekësve të Lulzim Bashës. Është me rëndësi që në këtë mbledhje , grupi duhet të jetë edhe i formalizuar për të çimentuar në procedurat parlamentare që deputetët e PD janë në numër më të madh dhe nuk do shmangim ambiciet apo ndasitë e përplasjet të mos përbëjnë më arsye për të dhënë mesazhe të gabuara në publik e dëmtuar interesat e demokratëve.

Të fundit