Nora Malaj heq këpucët dhe hipën mbi karrige: Te unë shohin gruan e fortë që s'lodhet së punuari

Kandidatja për deputete e LSI-së në Qarkun e Tiranës, Nora Malaj ka takuar ditën e sotme gratë e një fasonerie. Përmes një postimi në rrjetet sociale, Malaj shprehet mjaft e kënaqur nga ky takim ku shkruan se te sytë e tyre sheh shpresë dhe kanë ëndrra që jetën ta ndërtojmë në Shqipëri.

Sipas Malajt, gratë shohin te ajo gruan e fortë që nuk lodhet së punuari e foluri për to. Nga fotot e publikuara në rrjetet sociale, shihet se Malaj ka hequr këpucët dhe ka hipur në një karrige për t'ë folur para grave të fasonerisë.

Postimi i plotë:

Unë besoj te dora e gruas!
Dita e sotme filloi me një takim mbresëlënës!
Ato janë gra si të gjitha ne, po punojnë në Fasoneri dhe prodhojnë të brendshme për eksport. Të mira, të paqta dhe shumë të sinqerta. Më presin me shumë dashuri. Në sytë e tyre ka shumë shpresë. Ato kanë ëndrra dhe duan që jetën ta ndërtojnë në këtë vend. Te unë shohin gruan e fortë që nuk lodhet së punuari e foluri për to.
Një grua e fortë nuk është ajo që përmirëson jetën e saj, një grua e fortë është ajo që pêrmirësion jetën e grave e vajzave të tjera.
Unë e ngre zërin, jo që të bërtas, por ato që ngurojnë dhe mendojnë si unë të dëgjohen.
Ne nuk mund të kemi sukses ku gjysma prej nesh nuk ka zë dhe nguron!
Teksa flas dua që t'i rrok të gjitha bashkëbisedueset e mia me sy. Kam sheshpamje të vogël.
Një nga zonjat më ofron karrigen e saj, më jep dorën dhe unë ngjitem lart. Ligjërimi bëhet më i thjeshtë, por energjia është më e madhe.
Teksa flas për fuqizimin dhe punën e papaguar të grave, për pagën sociale për ato që nuk kanë vitet e punës kur dalin në pension, për misionin e mundur që çdo grua, vajzë apo nënë bën në jetën e saj e ndjej se vota e gruas, vajzës dhe nënës kësaj radhe do të bëj ndryshimin e madh, për të shkuar të ata që ato besojnë, që i ndjejnë pranë dhe i kuptojnë për energjinë që trasmetojnë!
Ato ishin 200 zonja, po ato ishin 200 zemra që rrihnin fort për ta bërë jetën në Shqipëri më të bukur!
Faleminderit miket e mia!
Ishte një mëngjes mbresëlënes! Edhe 17 ditë dhe e mira do të triumfoj mbi të keqen!
Sinfonia e jetës do të triumfoj!

Kontakto me Politiko në rast se: Mendoni se nuk shkruajmë Shqip Mendoni se kemi bërë shkelje etike Mendoni se kemi bërë CopyPaste Mendoni se kemi bërë FakeNews Doni të postoni nje Lajm