Opozita reagon ndaj pezullimit të vizave nga SHBA, akuza për dështim të qeverisë

Vendimi i Shteteve të Bashkuara për të pezulluar përpunimin e vizave për Shqipërinë ka shkaktuar reagime të menjëhershme në kampin opozitar.

Deputetë dhe përfaqësues të opozitës e kanë cilësuar këtë vendim si pasojë direkte të politikave të ndjekura nga qeveria.

Sipas tyre, vendimi i SHBA-së reflekton dështimin institucional, që sipas opozitës, është zhytur Shqipëria vitet e fundit.

Luan Baçi: SHBA publikon listën e vendeve mbi pezullimin e vizave!

Shqipëria renditet tek vendet me korrupsion domethënës, vende të pa zhvilluara, vende që trafikojnë droge, pra një narkoshtet me një qeveri të korruptuar, që duhet rrezuar një orë e më parë!

Lista: Afganistani, Shqipëria, Algjeria, Antigua, vazhdon me Barbudën, Armeninë, Azerbajxhanin, Bahamas, Bangladeshin, Barbadosin, Bjellorusinë, Belizen, Butanin, Bosnjën, Brazilin, Burmën, Kamboxhian, Kamerunin, Kepin e Gjelbër, Kolumbinë, Bregun e Fildishtë, Kubën, Republikën Demokratike të Kongos, Dominikën, Egjiptin, Eritrenë, Etiopinë, Fixhin, Gambinë, Gjeorgjinë, Ganën, Grenadën, Guatemalën, Guinenë, Haitin, Iranin, Irakun, Xhamajkën, Jordaninë, Kazakistanin, Kosovën, Kuvajtin, Kirgistanin, Laosin, Libanin, Liberinë, Libinë, Maqedoninë, Moldavinë, Mongolinë, Malin e Zi, Marokun, Nepalin, Nikaraguanë, Nigerinë, Pakistanin, Republikën e Kongos, Rusinë, Ruandën, Shën Kitsin dhe Nevisin, Shën Luçinë, Shën Vincenti dhe Grenadinet, Senegalin, Sierra Leonen, Somalinë, Sudanin e Jugut, Sudanin, Sirinë, Tanzaninë, Tajlandën, Togon, Tunizinë, Ugandën, Uruguain, Uzbekistanin dhe Jemenin.

Serbia e Vuçicit, mikut të Ramës, nuk është në listë!

Faleminderit këtij monstres, i kemi të gjitha!

Luçiano Boçi: dhe ky e ushqen këtë popull me lugën bosh të BE-së, ndërsa SHBA falë këtij e sorrollopit të tij qeverisës na klasifikon tek vendet me korrupsion të lartë, pa shtet të së drejtës, me (pa)zhvillim të dyshimtë, një teatër bandash krimi me veladon politik në krye të vendit.
Përfundimisht pa të drejtë vizash…
Shiheni vetë listën dhe gjykoni.
Shënim: mos kërkoni Serbinë
Afganistani, Shqipëria, Algjeria, Antigua, vazhdon me  Barbudën, Armeninë, Azerbajxhanin, Bahamas, Bangladeshin, Barbadosin, Bjellorusinë, Belizen, Butanin, Bosnjën, Brazilin, Burmën, Kamboxhian, Kamerunin, Kepin e Gjelbër, Kolumbinë, Bregun e Fildishtë, Kubën, Republikën Demokratike të Kongos, Dominikën, Egjiptin, Eritrenë, Etiopinë, Fixhin, Gambinë, Gjeorgjinë, Ganën, Grenadën, Guatemalën, Guinenë, Haitin, Iranin, Irakun, Xhamajkën, Jordaninë, Kazakistanin, Kosovën, Kuvajtin, Kirgistanin, Laosin, Libanin, Liberinë, Libinë, Maqedoninë, Moldavinë, Mongolinë, Malin e Zi, Marokun, Nepalin, Nikaraguanë, Nigerinë, Pakistanin, Republikën e Kongos, Rusinë, Ruandën, Shën Kitsin dhe Nevisin, Shën Luçinë, Shën Vincenti dhe Grenadinet, Senegalin, Sierra Leonen, Somalinë, Sudanin e Jugut, Sudanin, Sirinë, Tanzaninë, Tajlandën, Togon, Tunizinë, Ugandën, Uruguain, Uzbekistanin dhe Jemenin.

Albana Vokshi:  SHBA pezullon vizat!!
Kur një vend kthehet në narkoshtet, i sunduar nga krimi, kartelet dhe korrupsioni, pasojat janë të pashmangshme.
❌ Nuk është faji i qytetarëve. ❌ Është faji i një pushteti të kapur.
Shqipëria po izolohet!!
Protesto në datë 24 Janar!
Protesto për largimin e një Qeverie që po na largon nga Europa dhe izolon nga bota!!
Protesto! 24 janar 2026 Para Kryeministrisë!!!

Besart Xhaferri:  Në një kohë kur kartelet e drogës dhe AKSHI janë kthyer në depozita personale për Edi Ramën, ku të parët i zhvat përmes lejeve të ndërtimit dhe arkitektëve, ndërsa tek AKSHI ka vendosur baxhanakun, SHBA dhe BE kanë kaluar në masa drastike.

Për shkak të lulëzimit të karteleve të drogës, Departamenti Amerikan i Shtetit e ka futur Shqipërinë në mesin e 75 vendeve për të cilat po ndalon përkohësisht vizat e imigracionit.

Në këtë listë janë kryesisht vende në luftë dhe vende nën autokraci, si Somalia, Rusia, Afganistani, Brazili, Irani, Iraku, Egjipti, Nigeria, Tajlanda, Jemeni dhe vende të tjera.

Në këtë listë Shqipëria është vendosur për shkak të lulëzimit të karteleve të drogës.

Por në këtë ditë, një tjetër lajm i keq për Shqipërinë vjen nga Bashkimi Evropian, i cili, pasi ka bllokuar fondet IPARD për fermerët, ka vendosur të bllokojë edhe financimet për një tjetër komponent të rëndësishëm të ndihmës për Shqipërinë. Këtë herë bëhet fjalë për sektorin digjital, por arsyeja është e njëjtë, korrupsioni, i cili u ekspozua në dosjen e AKSHI-t.

Këto dy vendime të sotme nga dy aleatët tanë jetikë tregojnë se largimi i Edi Ramës është më emergjent se kurrë,  ndaj, më 24 janar, të gjithë do të derdhemi në shesh për të kërkuar largimin e tij dhe vendosjen para drejtësisë.

Gjin Gjoni: Kartelet që pastrojnë para  me firmën e Ramës, SHBA pezullon vizat për emigrantët nga Shqipëria!

Gjashtë muajt e fundit, Ambasada e Shteteve të Bashkuara të Amerikës në vendin tonë ka apeluar për luftë kundër karteleve të drogës, teksa edhe në urimet e Sekretarit Rubio dhe Presidentit Trump janë përmendur kartelet e drogës.

Por këto paralajmërime kanë rënë në vesh të shurdhër të Edi Ramës, njeriut që ka lulëzuar kartelet e drogës në Shqipëri dhe që kërcënon SHBA-në me bizneset kineze dhe arabe.

Sot SHBA kaloi në një tjetër stad, pasi Departamenti Amerikan i Shtetit ka ndaluar përkohësisht vizat e imigracionit për 75 vende, me qëllim goditjen e aplikantëve që konsiderohen rrezik për t’u bërë barrë për ndihmat publike.

Për fat të keq, Shqipëria është në mesin e këtyre 75 vendeve, së bashku me vende autokrate dhe vende që janë në luftë, si Somalia, Rusia, Afganistani, Irani dhe Iraku.

Ky vendim është dramatik për mijëra qytetarë shqiptarë që nuk kanë asnjë lidhje me kartelet e drogës dhe po penalizohen vetëm sepse kryeministri i tyre firmos leje ndërtimi për kartele droge në Tiranë dhe në bregdet.

Koha nuk pret më: largimi i Edi Ramës nuk është më vetëm kërkesë e partnerëve, por një emergjencë kombëtare.

Klevis Balliu: Ndërkohë që Edi Rama vijon të tallet me shqiptarët duke u premtuar se “së shpejti” do të integrohemi në Bashkimin Europian, sot Shqipërisë i janë pezulluar vizat me Shtetet e Bashkuara të Amerikës. Kjo nuk ndodh për faj të qytetarëve shqiptarë, siç përpiqet gjithmonë ta justifikojë kryeministri, por për faj të drejtpërdrejtë të Edi Ramës dhe lidhjeve të tij me kartelet e drogës dhe krimin e organizuar.

Për të gjithë ata që deklarojnë se “të gjitha qeveritë në Shqipëri janë njësoj”, sot dua t’ua kujtoj një fakt të thjeshtë dhe të pakundërshtueshëm: në kohën e Partisë Demokratike, Presidenti i Shteteve të Bashkuara zhvillonte vizita zyrtare me ekzekutivin në Shqipëri. Sot, shqiptarët nuk mund të udhëtojnë lirshëm drejt SHBA-së.

Dallimi është i qartë. Atëherë Shqipëria kishte një qeveri që punonte për aleancën strategjike me SHBA-në dhe interesin kombëtar. Sot ka një qeveri që i shërben vjedhjes, korrupsionit dhe karteleve kriminale, duke izoluar vendin dhe ndëshkuar drejtpërdrejt qytetarët shqiptarë. 

Ina Zhupa: Vendimi i SHBA-së për të pezulluar vizat për Shqipërinë është një kambanë alarmi për realitetin ku ka përfunduar vendi me qeverisjen e Edi Ramës!

Për vite kemi dëgjuar slogane për “partneritet strategjik”, “imazh të përmirësuar” dhe “besueshmëri ndërkombëtare”, ndërsa sot vendi ynë renditet në të njëjtën kategori me shtete që njihen për izolim, paqëndrueshmëri dhe mungesë standardesh. 

Kjo nuk është rastësi. Është pasojë e drejtpërdrejtë e një shteti të dobësuar nga lidhjet me narkotrafikun, nga korrupsioni, nga krimi i organizuar dhe nga institucione që funksionojnë për interesa politike, jo për qytetarët.

Në fund, ata që dëmtohen janë qytetarët shqiptarë! 

Ky është një hap prapa për Shqipërinë, jo sepse partnerët na kanë braktisur, por sepse qeverisja ka dështuar. Kjo qeveri e dështuar duhet larguar një orë e më parë për të mirën e vendit!

Flamur Hoxha: SHBA ka pezulluar vizat për 75 vende, mes tyre edhe Shqipëria jonë.
Jo sepse shqiptarët e meritojnë, por sepse shteti i tërë është zhytur në korrupsion dhe në lidhje me krimin e narkotrafikun.

Ndërkohë që Rama premton për 2026 pasaporta europiane dhe lëvizje të lirë, sot qytetarët penalizohen dhe mbahen peng nga keqqeverisja.

Kjo është: “S’keni parë gjë akoma” që prej 2013, diferenca mes propagandës së tij dhe realitetit tonë ndër vite.